Accessibility links

сишәмбе, 6 декабрь 2016, Казан вакыты 05:53

İran uran bayıtunı tuqtatıp qora


İrannıñ Däwlät İminlege Yuğarı Şurası başlığı Xäsän Ruxani bügen biredä Rusiä tışqı eşlär ministrı İgor' İvanov belän oçraşudan soñ Rusiä Buşer atom reaktorı tözeleşen tämamlayaçaq dip belderde. Ruxani äytüençä, tağın ber reaktor tözü turında söyläşülär Buşer atom elekr qorılması tözelep betkännän soñ başlanaçaq. Añarçı Ruxani Rusiä prezidentı Vladimir Putinğa, İran üzeneñ uran bayıtu eşen tuqtata häm üzeneñ atom eşçänlegen xalıqara tikşerüçelärgä tulısınça aça dip äytte. İrannıñ atom ölkäsendäge ğämälläre xalıqara cämäğätçelektä Tähran yäşeren räweştä atom bombası yasarğa mömkin digän borçıluğa säbäp buldı. Ruxani äytüençä, İran xökümäte bügen BMOnıñ Xalıqara Atom Energiäse İdaräsenä maxsus xat cibäräçäk:

AUDİO: İran üzeneñ atom ölkäsendäge eşçänlegenä bäyle şiklärne beterergä häm yaña tör mönäsäbätlär buldırırğa qarar qıldı. Bez uran bayıtu eşen berqädär waqıtqa tuqtatıp torırğa qarar ittek, gärçä bu bezneñ tabiği xoquqıbız bulıp qala.

XS
SM
MD
LG