Accessibility links

якшәмбе, 11 декабрь 2016, Казан вакыты 01:34

Şevardnadze oppozitsion Yañarış Berlege citäkçese Abaşidze belän oçraştı


Gruziä prezidentı Eduard Şevardnadze Adjaria aftonom respublikası citäkçese Aslan Abaşidze belän oçraşıp ildäge xäzerge säyäsi krizis turında söyläşte. Abaşidzenıñ räsmi räweştä oppozitsiädä torğan Yañarış partiäse uzğan atnadağı parlament saylawlarında, berençel näticälärgä qarağanda, Şevardnadzenıñ Yaña Gruziägä öçen dip atalğan koalitsiäsennän qala ikençe urınnı alğan ide. Ämma başqa oppozitsion törkemnär älege saylawlar xärämläşü belän ütte dip täqrarlıy alarnıñ ğämäli bulmawın iğlan itüne taläp itä. Abaşidze Şevadrdanzenı köndäşlär basımına bireşmäskä çaqırdı. Bügen Adjaria başqalası Batumida Yañarışnıñ meñnärçä tarafdarı Şevardnadzenı yaqlaw demonstratsiäsenä çıqtı. Tbilisida isä yözlärçä oppozitsion aktivist Şevardnadzenıñ xakimiättän kitüen taläp itep parlament qarşında piket oyıştırdı. Eçke eşlär ministrı Koba Narçemaşvili bu törkemne köç belän taratırğa cıyınmawın belderde:

AUDİO: Min demonstratsiälärne taratu öçen köç qullanırğa cıyınuım xaqındağı imeş-mimeşlärneñ yalğan buluın belderergä telim. Min qanunğa buysınu yaqlı, häm monı, xäzer militsiäneñ berqayda da utlı qoral yörtmäwe raslıy.

Narçemaşvili tizdän Pankisi Tarlawığındağı eçke eşlär ğäskärläre Tbilisiğa qaytarılaçaq, ämma bu ildäge säyäsi wäzğiät belän bäyle tügel dide.

XS
SM
MD
LG