Accessibility links

шимбә, 3 декабрь 2016, Казан вакыты 16:56

Ural''ski, Qızıl Urda tatarları Qazanda


Düşämbe könne Bötendönya tatar kongressı Başqarma komitetında Kazaxstannıñ Ural'ski häm Qızıl Urda ölkälärennän kilgän qunaqlar buldı. İlledän artıq millättäşebezneñ kübese mäğärif sistemasında eşli ikän. Alar belän bergä Uralski, Qızıl Urda şähärläreneñ xakimiät, mäğärif idäräse wäkilläre dä kilgän. Kongress citäkçese Rinat Zakirov qunaqlarnı sälämläde, tatar dönyasınıñ xäle turında söyläde. Kazaxstan tatarları da açıqtan açıq üz xällären surätläde. Problemalarğa kilgändä, iñ ayanıçı tuğan telne onıta başlaw, yäşlärneñ millättän çitläşüe ikän. Şuşı oçraşuda qatnaşqan Marat Bahawetdinov milli çıraylı, töple aqıllı, tübätäye dä üzenä kileşep tora. Näq düşämbe könne aña 41 yäş tulğan. Marat Bahawetdinov Ural'skida yäşäwçe bacasına barıp, tälinkä aşa “Tatarstan yaña ğasır” tapşıruların qarıy ikän. Ul “Azatlıq” aşa qärdäşlärenä säläm tapşırdı.

Tağın ber qunaq. Svetlana Vladimir qızı Tenişeva Ural mädäniät häm mäğrifät cämğiäte räise. Anıñ ätise rus millätennän, änise – tatar, tormış iptäşe dä Kazaxstan tatarı.

Bu atna şaqtıy kierenke bulır kebek. Sişämbe könne “Teffi” televidenie festivaleneñ bäyräme başlana, sişämbe könne Däwlät Şurasınıñ mädäniät komissiäsendä Tatarstan xalıqları tellären saqlaw häm üsterüneñ yaña programması, zakonğa tözätmälär qaralaçaq, pänceşämbe könne isä Rusiä töbäklärendäge tatar jurnalistlarınıñ kiñäşmäse uzaçaq.

Rimzil Wäli. Qazan.

XS
SM
MD
LG