Berläşkän Millätlär Oıyşması räsmiläre äytüençä, oyışmanıñ Kandahar şähärendäge idaräse yanında maşinağa quyılğan bomba şartlawdan kimendä ber keşe yaralanğan.
Şartlaw Kandaharnıñ Şähri Naw rayonında bulğan.
BMOnıñ könyaq Äfğänstanda humanitar eşlär öçen cawaplı wäkile Siddiq-ulla äytüençä, maşinanı BMO idaräse qarşına quyıp qaldırğan bulğannar. Älegä bu şartlaw öçen cawaplılıqnı üz östenä aluçı yuq.
Şartlaw waqıtında maşina yanınnan mototsiklda uzıp baruçı yaralanğan dip xäbär itelä.
AQŞ räsmiläre kiçä ilneñ könyağındağı tawlarda AQŞ häm Äfğän xärbiläre doşman köçlär belän bäreleşep alarnıñ ber suğışçısın üterde dip belderä.
Bügen Äfğänstan tışqı eşlär ministrı Abdulla Äl-Qaidä häm Taliban suğışçıların totu öçen Paqstan nığraq yardäm kürsätergä tieş dide.
