Accessibility links

якшәмбе, 11 декабрь 2016, Казан вакыты 16:55

Bremer kötelmägändä Washingtonğa qaytti. Aq Yort Ğıraq İdarä Şurası, Şura Washington belän qänäğät tügellär


AQŞnıñ Ğıraqtağı administratorı Paul Bremer kötelmägändä Washingtonğa qaytıp kitte häm anda yuğarı däräcädäge citäkçelär belän oçraştı. Buş administratsiäse Ğıraqtağı täräqqiät häm Ğıraq İdarä Şuraınıñ eşçänlege belän qänğät tügel. Şuluq närsäne İdarä Şurası turında da äytergä bula. Ul Washingtonnıñ üzenä tieşle xoquq birmäve belän qänäğät tügel.

Washingtonğa qaytqan Bremer şunduq visi-prezident Cheney, saqlanu ministere Rumsfeld, dävlät sekretarı Powell häm milli iminlek buyınça kiäñçese Rice belän oçraştı. Bremerneñ bik aşığıç räveştä kire qaytqanın , planlanğan bulsa da, Polşa premiere Miller belän oçraşmauı da açıq kürsätä. Bremer äle prezident Buş belän dä oçraşırğa tieş. Räsmi şäxeslärneñ süzlärençä, Bremerneñ Washingtonğa qaytuı, prezidentnıñ aña ışanıçınıñ kimegän buluın añlatmıy, läkin, Buş Ğıraqtağı täräqqiätne tizlätergä teli. Ğıraq İdarä Şurasınıñ eşçänlege qänäğätlänererlek tügel. Şul säbäple qayber üzgäreşlärneñ ketelüe mömkin. Afganistannı ürnäk itep alıp Ğıraqta da Karzayğa oxşaş vaqıtlı citäkçeneñ bilgelänüe mömki. Vaqıtlı konstitutsiä buldıru mömkinlege dä tikşerelä ikän. Mäğlüm bulğança, BMO İminlek Şurasınıñ rezolutsiäsenä esasän İdarä Şurası 15-nçe Dikäbergä qädäre konstitutisäne äzerläv häm saulaular mäsäläsendä möddätne bilgelägän konkret plan äzerlärgä tieş. Bremer basım yasasa da, alğa kiteş bik aqıın. Üz nävbätendä amerikannar tarafınan bilgelängän häm 25 keşedän torğan İdarä Şurası xakimiäteneñ bik çiklängän buluı säbäple tieşle räveştä eşli almauına şikayät belderä. Şuranıñ täsirle ağzalarınnan Adnan Paçaçı radiobız xäbärçesenä Bagdatqa birgän ängämäsendä Ğıraqnıñ suverenlığın torğızu yulında alğa taba baru öçen vaqıtlı xökümät tözüne täqdim itte. Anıñ süzlärençä, vaqıtlı xökümät tözü öçen saylaular kiräkmi. Xökümätne Ğıraq İdarä Şurası bilgeli ala. Anıñ fikerençä, vaqıtlı xökümät konstitutusiä äzerläv häm saylaular ütkärü öçen kiräk bulğan nigez salaçaq.

Audio

"Bilgele qanun ramnarında vaqıtlı xökümät bulırğa tieş digän fikerneñ nigeze nığıy bara. Töple konstitutsiä öçen küp närsälär kiräk. Bernçedän xalıq sanın tögäl alu."

Paçaçı vaqıtlı xökümätneñ tüzelüe koalitsion köçlärneñ aftoritetın çiklär häm xakimiät şuşı organğa küçär dip ömetlänä. Ul vaqıtlı xökümät tözelgän xäldä, xakimiät anıñ qulına küçärgä tieş häm bu BMOsı rezolutsiäsendä äytelgän dip belderde.

Audio

"Bu Koalitsiäneñ Vaqıtlı aftritetınıñ betüen añlatır ide. Vaqıtlımı-daimime , xalıqara säxnädä tanılğan Ğıraq xökümäte tözelgän xäldä , Koalitsiäneñ Vaqıtlı Aftoritetı barlıq xakimiätne Ğıraq xökümäte qulına tapşırırğa tieş bulaçaq."

Läkin, Paçaçınıñ bu täqdimen BMOsı tügel, ä AQŞ qabul itärgä tieş. Ä inde Washington eşçänlege belän qänäğät bulmağan Ğıraq İdarä Şurasına vaqıtlı xökümät funksiäsen häm tulı xakimiät birergä riza bulmas.

Färit İdelle, Praga.
XS
SM
MD
LG