Accessibility links

сишәмбе, 6 декабрь 2016, Казан вакыты 03:57

İminlek Şurası:Äfğanstanda säyäsi protsess terror,narkotik häm firqalar arasındağı suğış säbäple qurqınıç astında


Äfganstanda bulıp qaytqan BMOsı İminlek Şurası missiäse ildäge politik protsess terror, firqalar arasındağı suğış häm canlanıp kitkän äfyün säwdäse säbäple qurqınıç astında dip belderde. Missiä citäkçese Germaniä ilçese Günter Pleuger ütkän atnada Äfganstandağı oçraşularda iminlek mäsäläläre üzäk urında tordı dip äytte. AQŞ Könyaq häm könçığış töbäklärendä iminlekne arttıru turında işarä itsä dä ,Qabulda NATO citälägän köçlärdä bernindi xäräkät sizelmi

Germaniä ilçese Günter Pleuger citäkçelegendäge BMO iminlek şurasınıñ missiäse Qabul, Herat häm Mazar-ı Şärif kebek şähärlärdä cirle räsmilär belän oçraştı.Sişämbedä ul NYtağı başkvartirada üz säfäre turında xisap birde. Günter Pleuger 2 yıl elek Taliban bärep töşerelgännän birle alğa kiteş buldı , ämma rekonstruksiä eşläre terror, firqalar arasındağı suğış häm narkotik säwdäse säbäple nıq aqırınaya di.Pleuger süzlärençä(audio) ışanıçlı politik prosess öçen kiräk bulğan şartlar älegä yuq. Milli tatulaşuğa kübräk ähämiät birelergä ,säyäsi partiälärneñ täräqiäte öçen waqıt kiräk.Törle oyışma, institutlar reformalanırğa tieş. Firqa,qabilä citäkçeläreneñ xakimiäte kimetelergä tieş. Pleugernıñ radiobızğa belderüenä kürä Äfganstannıñ tönyaq häm könyağında iminlekkä tuğan qurqınıç ayırmalı. Tönyaqta üzbäk generalı Dostum belän tadcik komandirı Möxämmäd xakimiät öçen köräşä häm üz soldatların ilneñ armiäsenä quşunı kire qağa. İminlek şurası äğzaları här 2 komandir belän dä oçraşıp, alarnı reforma protsesına qatnaşu öçen künderergä tırıştı.Könyaqta isä möhim citäkçelär yuq ikän.Pleuger bolay dide(audio) Könyaqta keçkenä awıl vä şähärlär belän idarä itkän komandirlarnıñ ilneñ kiräkläre turındağı perspektivaları bik çiklängän.Näticädä rekonstruksiä genä totqarlanmıy, ä küpçelektäge paştunnar üzlären politik protsess häm rekonstruksiä eşlärenä qatnaştırılmıy dip xis itä bu bik qurqınçlı. İminlek Şurası missiäse Äfganstanda xatın qız, sivil xoquq oyışmaları häm başqalarnnan cirle komandir häm qabilä citäkçeläre äfgannarnıñ xoquqların boza , ezärlekli digän şiqäyätlär işette. Pleuger İminlek Şurasında yasağan çığışında narkotika ekonomikası äfyün häm mäk üsterelüe belän köçlänep kitte.Yustitsiä oyışmaları zäğif, narkotika ekonomikasın kontrol itä almıy, bu tör ekonomikanıñ sonğı aylarda tizlektä üsüe rekonstruksiä häm iqtisadnı totrıqlandırudağı keçkenä qazanışlarnı yanıy dip söyläde. Bu tiskäre täräqiätkä qarşı toru öçen missiä qayber kiñäşlär birde häm Hamid Karzai citäklägän äfgan waqıtlı administratsiäsen qıyulandıru öçen BMO fondına xalıqara finans yardäme birelsen dip möräcäğät itte.Missiä şulayuq Karzainıñ kiläse yılda Bonn konferensiäseneñ däwamı bularaq xäyriä birüçe illärne yañadan cıyılışqa çaqıruın yaqlap çıqtı. İspanyanıñ BMOdağı wäkile İnnocencio Arias cıyınnnan soñ jurnalistlarğa (audio) xalıqara cämäğätçelek birgän wäğdälären tulısınça ütämäde alar bigräk tä armiä, politsiä köçlären oyıştıru häm alarğa tüläw öçen yardämgä moxtaç dide. İminlek Şurası küptän genä NATO citäkçelegendäge tınıçlıq köçlärenä Qabuldan çittä dä urnaşırğa röxsät birde. Ämma berektäşlek älegä bu turıda qarar birmägän. Pleuger süzlärençä AQŞ räsmiläre, missiägä Äfganstannıñ könyaq häm könçığışındağı provinsiälärgä rekonstruksiä törkemnäre cibärü plannarı turında beldergän . Äfgannar da BMo da amerikannarnıñ plannarın xuplap qarşı aldı. Äfganstanda PRT dip qısqartılıp yöretelgän rekonstruksiä törkemnäre keçkenä, alar iminlek problemalarına cawap birä almıy , bigräk tä il saylawlarğa äzerlängändä.Qayber töbäklärdä andıy tözü törkemnäre eşli häm alarğa yañaları quşıla.

färidä xämit,praga
XS
SM
MD
LG