Accessibility links

Кайнар хәбәр

Äfğänstannıñ könyağında Rumın kizüenä qarşı höcüm öçen cawaplılıqnı Taliban üz östenä aldı


Taliban wäkile Reuters xäbär agenlığına raketa häm aftomatlar belän höcüm itü näticäsendä ber rumın soldatı üterelde, häm ber soldat yaralandı dide. Kandahar hawa alanındağı Äfğän köçläre başlığı general Säit Möxämmät äytüençä, kiçä Rumın soldatları 5 xärbi maşina belän Paqstan çigendäge Şpin Boldaq şähärennän Kandahar hawa alanındağı xärbi bazağa qaytqanda Tur Kotal yanında tuqtatılğan. Möxämmät äytüençä, xärbi kiemdäge ber keşe rumın qärwanına ut açqan. Ut açqan keşe ber üze genä bulğan häm rumın soldatları anı ütergän. Rumın xärbiläre Äfğänstanda AQŞ citäkçelegendäge koalitsiä köçläreneñ ber öleşe bularaq xezmät itä. Bügen tönyaqtağı Mazari Şärif şähärendä ber meñläp student demonstratsiägä çıqtı. Alar Äfğänstan konstitutsiäse ölgesenä rizasızlıq belderde. Alar fikerençä, bu konstitutsiä milli azçılıqlarnı diskriminatsiäli.
XS
SM
MD
LG