Accessibility links

дүшәмбе, 5 декабрь 2016, Казан вакыты 13:42

Bush Ğiraqtağı säyäsi xakimiät küçeşen tizlätü yulları turında kiñäşmä ütkärde


Waşingtonda AQŞ prezidentı George Bush üzeneñ tışqı säyäsät kiñäşçeläre belän oçraşıp berniçä säğät buyı, Ğiraqta säyäsi xakimiät küçeşen tizlätü yulları turında söyläşte. Oçraşuda şulay uq, Ğiraqtağı Amerikan waqıtlı idaräse başlığı Paul Bremer, vitse prezident Dick Cheney, saqlanu ministrı Donald Rumsfeld, däwlät sekretare Colin Powell häm Däwlät İminlege kiñäşçese Condolezza Rice ta qatnaştı. Räsmilär äytüençä, Aq Yort Ğiraqtağı İdarä Şurasınıñ eşennän qänäğät tügel. Bügen Ğiraqtağı İdarä Şurası başlığı Jalal Talabani mömkin qädär tiz arada küçeş çorı xökümäten oyıştırırğa çaqırdı. Talabani fikerençä, küçeş çorı xökümäten konstitutsiä qabul itelgänçe ük oyıştırırğa kiräk. Talabani äytüençä, mondıy adım, Ğiraq xäzer okkupatsiädä, şuña kürä höcümnär oyıştıru aqlana dip terrorçılıqqa çaqıruçılarğa qarşı orım bulır ide.

XS
SM
MD
LG