Accessibility links

шимбә, 10 декабрь 2016, Казан вакыты 23:29

13-14nçe noyäberdä Qazanda Rusiä töbäklärendä yäşägän tatar massaküläm mäğlümat çaraları xezmätkärläre cıyıla


BTK Başqarma komitetı ütkärgän bu utırışta “ХХI ğasırda tatar xalqı häm massaküläm mäğlümat çaraları” digän tema qaralğan. Anda Rusiäneñ 18 şähär häm töbäklärennän çaqırılğan jurnalistlar qatnaşaçaq. Rusiä däwläte saylawlar aldında torğanda, bu çarağa kilüçelär belän tanışırbız. Ä xäzergä küz salıyq äle: Rusiä töbäklärendäge radio tapşırular ni xäldä soñ? Alar kübäygänme, azayğanmı? Bolar turında bezneñ xäbärçelärebez yış qına xäbär birgäläp toralar. Menä berniçä misal.

Uzğan ğasırlardan uq tatar tormışı qaynap torğan. Orenbur şähärendä radiotapşırular efirda äle dä çığıp tora. Ayırım alğanda“Xäyerle kiç” dip atalğan 35 mınutlıq informatik- muzıykal' tapşıru ayğa ber tapqır tıñlawçığa barıp citä.

“Läysän” muzıkal' tapşıru (qotlaw) här atna sayın 1 säğät bara.

Teletapşırulardan: “Yaqtaşlar”tapşıruı ayına 2 tapqır 30 minutlıq tapşırıla.

Azatlıq radiosın Orenbur ölkäsendä ozın dulqında Qazan aşa tıñlıylar ikän. Buğırıslan şähärendä retranslyator quyılğan. Sputnik tärilkäse aşa älege waqıtta 3 rayon tıñlıy ala.

İjauda “ Yuldaş” isemle tapşıruı alıp barıla. Alıp baruçısı Xämidä Ğayfullina. TV “Xäyerle kiç”tapşıruın İrek Şäripov alıp bara.

Çiläbe ölkä radiotapşıruı atnağa 5 mınut. Televideniedä “İman” tapşıruı rus telendä 2 atnağa ber tapqır alıp barıla. Kontinental' radio studiäse aşa Azatlıq tapşıruları translyatsiälänä.Ultra qısqa dulqınnarnıñ 65-66m yışlığın tota.

Yekaterinburda “Miras”radiotapşıruı mınut “Minem ilem” isemle teletapşıruları bar.

Tömändä “Duslarğa suqmaq” dip atalğan 50 minutlıq tapşırunı atna sayın Nail Xisamiev alıp bara. Tağın 30 minutlıq tapşıru 2 atnağa ber “İşettem min bügen ber moñlı köy” dip atala. Tömän televideniesendä “Oçraşular ” tapşıruı atnağa 25 minut efirğa çığa.

Omskida radiotapşırular 1990nçı yıldan 15-20 mınutlıq “Säläm” tapşıruı urta dulqınnarnıñ 60,5 yışlığında ayğa ike tapqır bara. Anda tapşırunı täcribäle häm milli canlı jurnalistlar Saniä Mirxälieva, häm Rozaliä Sayganova alıp bara. Azatlıqnı radionıñ 25-31m da tıñlıylar , läkin işetelü sıyfatı bik naçar ikän. “İrtış” teleradiokompaniäsendä 1994nçe yıldan 10 minutlıq televidenie tapşıruı çığa. 1996-99nçı yıllarda tatar telendä “İrtış tañnarı” tapşıruı çıqqan bulğan.Tapşırunı Fäğilä İskändärova alıp barğan. Tapşıru ayına ber märtäbä, 25-45 mınut däwam itkän bulğan. Ä xäzer andıy tapşıru efirdan yuğalğan.

Ä Başqortstanda 3 teldä muzıykal' tapşırular alıp bara torğan “Yuldaş” radiosı eşläp kilä. Tatarça tapşırular kön sayın 3-4 säğät, yäğni Başqortstanda tatarça radiotapşırular xäzer az dip äytep bulmıy. Tatarça televideniedän “Räyxan” tapşıruı atnasına yartı säğät kenä kürsätä.“Yaña ğasır ” kanalın barı tik sputnik tälinkäse aşa ğına qarıy alalar. Cirle translyatsiä monda röxsät itelmi. Döresräge, operatorlar qurqıtıp quyılğan.

Şulay uq ,ğomumän alğanda Tatarstannan çittäge töbäklärdä gazetalar, radio, televidenie tapşıruları çığa. Alarnıñ citdi problemaları da bar. Kire şartlarda eşläwçe fidaqär kollegalarıbız xörmätkä layıqlı. Pänceşämbe könne alar Tatar kongressı binasında cıyılıp, tatar mäğlümat çaraları yazmışı, xalıq yazmışı turında söyläşäçäklär.

Azatlıq radiosı, Qazan , Mälikä Basıyr.

XS
SM
MD
LG