Accessibility links

шимбә, 3 декабрь 2016, Казан вакыты 05:43

Britaniä Zakayevnı Mäskäwgä tapşırudan baş tarttı


Britaniä mäxkamäse Mäskäwneñ terrorçılıqta ğäyeplänüçe Çeçen yuğarı wäkile Äxmät Zakayevnı Rusiägä tapşıru taläben kire qaqtı. Xakim Timothy Workman Russiäneñ Zakayevnı säyäsi qaraşları öçen xökem itärgä teläwe açıqlandı dide. Rusiä Zakayevnı üzenä alırğa teläp aña 13 ğäyepläw belderde, Azakayev keşe üterüdä, keşe urlawda, çeçen suğışı çorında başqalarğa keşe üteregä quşuda ğäyeplänä. Ämma xakim Workman Zakayev Rusiägä qaytarılğan oçraqta anda azaplawlarğa duçar itelergä mömkin dip isäplim, anı Rusiägä qaytaru ğädelsezlek häm räximsezlek bulaçaq dide. Xakim ber şahitneñ Çeçennar här oçraqta diärlek azaplawlarğa duçar itelä digän süzlären misal itep kiterde häm başqa ber şahit äytkännärgä dä ışanuın belderde. Ul şahit mäxkamädä çığış yasap, cir astındağı zindanda 6 kön yabıp totıluı häm Zakaevqa qarşı şähadätlek alu maqsatı belän elektr şawqımına duçar itelüe turında söyläde.

XS
SM
MD
LG