Accessibility links

шимбә, 3 декабрь 2016, Казан вакыты 22:55

Gruziädä oppozitsiä prezident Şevardnadzenıñ xakimiättän kitüen taläp itä


Gruziäneñ oppozitsion Milli Xäräkät citäkçese Mixail Saakaşvili, parlament saylawlarına bäyle nizağnı söyläşülär aşa çişü mömkinlege kürenmi dip perzident Eduard Şewardnadzenıñ xakimiättän kitüen taläp itte. Bügen Saakaşvili Tbilisi üzägendäge parlament mäydanına cıyılğan meñnärçä demonstratsiäçe aldında çığış yasadı. Jurnalistlarğa ul bolay dip belderde:

AUDİO: Bez saylawlarğa bäyle barlıq şiğarlärne prezidentnı xakimiättän töşerü turındağı şiğarlärgä almaştırırğa tieş. Çönki ul bu saylawlarda xärämläşülär öçen cawaplı, ul söyläşülärdän berençe bulıp baş tarttı häm ul bernindi çigeneşkä dä barırğa telämi.

İke töp oppozitsion blok, atap äytkändä Milli Xäräkät häm Burjadanze demokratları 8-nçe noyäberdän tuqtawsız protest çarası başladı. Baştaraq alar 2-nçe noyäberdä ütkän parlament saylawlarında bez ciñep çıqtıq dip täqrarladı häm yaña saylawlar ütkärüne taläp itte, bu taläplär ütälmägän oçraqta Şevardanzenıñ xakimiättän kitüen taläp itte. Uzğan töndä taraflar nizağnı çişü maqsatında söyläşülär ütkärde. Ämma ul uñay näticä birmäde.

XS
SM
MD
LG