Accessibility links

дүшәмбе, 5 декабрь 2016, Казан вакыты 05:40

Britan mäxkämäseneñ Zakayevne Russiägä tapşırunı kire qağuı, yustitsiäneñ bäysezlek ürnäge bulıp tora.


Londondağı Bow Street rayon mäxkämäse Russiä prokurorınıñ Çeçnäneñ elekke citäkçelärnennän Axmed Zakayevne Russiä xakimiätlärenä tapşıru möräcäğäten kire qaqtı. Xakim Timothy Workmannıñ Zakayev Russiägä tapşırılğan xäldä, anıñ cäberlänü ixtimallığı bar digän argumentı Mäskävneñ protestına säbäp buldı. Bu qarar ber ük vaqıtta Britan yustitsiäseneñ bäysezlegen kürsätte häm bu Putin öçen ürnäk bulırlıq adım.

Britan mäxkämäse bu yılnıñ başlarında Mäskävneñ ekstradiksiä taläben kire qağıp, Boris Berezovskiygä säyäsi qaçqınnar xoquqın tanığan ide. Kiçä isä Çeçnäneñ elekke premier urınbasarı Axmed Zkayevnı da Russiägä tapşırunı kire qaqtı. Bu qararlar berençe qaraşta politik bulıp kürensä dä , bu döres tügel. Çönki premier Tony Blair asılda dusı Putingä yardämçe bulırğa telär ide. Läkin, Britan yustitsiäseneñ bäysez buluı säbäple ul monı eşli almıy. Mäxkämä zalında tanıq Duk Vaxa Duşayevneñ Zakayevqa qarşı tanıqlıq itsen öçen üzeneñ altı kön Rusisä törmälärendä niçek qıynaluı , cäberlänüe turındağı şaxitlığı, Mäskäv yaqlı advokatlarnıñ höcümnärenä qaramastan , äytkän süzendä toruı, Zakayev tarafınnan üterelgän dip belderlgän provoslav ruxaniseneñ isän bulıp çığuı häm başqa dälillär xakim Workmannı, Zakayev Russiägä tapışırılğan xäldä, anıñ ästennän xökem protsesınıñ ğadel bulaçağına garantiä yuq häm xätta anıñ da cäberlävgä duçar buluı qurqınıçı bar digän näticägä kilüenä etärde. Qarardan soñ Zakayev press-konefernsiädä bu xaqta bolay dide

Audio

"Xakim miña qarşı alğa sörelgän barlıq ğäyeplävlärne nigezsez dip taptı häm bügennän başlap min irekle dip belderde."

Ul üzeneñ mäxkämädä ciñep çığuın qotlau öçen vaqıt irtä , çönki Çeçnädä äle dä ğäyepsez keşelär üterelä, törmälärdä totıla dip bäyan itte häm tağı bolay dide.

Audio

Zakayevnıñ Britaniädäge ximayäcese häm anıñ öçen käfil bulğan aktrissa Vanessa Redgrave isä bolay dide

Audio

"Bu Çeçen xalqı öçen ciñü bulıp tora. Bu anıñ citäkçeläre , prezident Masxadov häm Axmed Zakayev, şulay uq Russiä xökümäte tarafınan balaları, ulları , xatınnarı, äbäläre häm babaları üterelgän ğailälär öçen ciñü bulıp tora."

Älbättä, Çeçnädäge xällär Russiäneñ başqa töbäkläre belän çağıştırğanda küpkä naçarıraqıraq bulsa da, Xodorkovskiy vaqiğäse Russiädä yustitsiäneñ yañadan politikanıñ ezärlekläv qoralına äylänä baruın işarä itä. İnde Putin Britaniäne üz opponentlarına sıyınu urnı birüdä ğäyeplägän xäldä, moña cavap açıq - Britaniädä yustitsiä politikadan bäysez häm xakimiätlär anıñ eşenä tıqşına almıylar. Russiä dä monan ber az ürnäk alsa ber dä naçar bulmas ide. Putin älegä bu xaqta endäşmäse dä, anıñ Çeçnä öçen cavaplı süzçese Yasterjembskiy Britan mäxkämäse terrornı büläkläde, anıñ ğadellek töşençäse säyer häm bu Russiä belän Britaniä arasındağı anti-terror koalitsiä mäsäläsendä partnerlıqqa zian kiterä ala dip belderde. Russiä tışqı eşlär ministerlege dä Zakayevnı terrorost dip atap , anı qulğa eläkterü tırışlığın tuqtatmayaçağın belderde. Daniä mäxkämäse dä elegeräk Russiäneñ Zakayevne üzenä tapşıru möräcäğäten kire qaqqan ide. Bolarğa qaramastan, Russiä xakimiätläreneñ äle dä Zakayev häm türälärgä oxşap betmägän başqalarnı qulına eläkterergä tırışuı, alarnıñ demokratik illärdä yustitsiäneñ bäysez buluın añlap citä almauların kürsätä. Çeçnäneñ (tırnaq eçendä) saylanğan prezidentı Axmed Qadırovnıñ da äytkännäre, Rusisädä qayber citäkçelärneñ xoquq häm qanun xakimiäte töşençäsenä nindi bäyä birülären açıq kürsätä.

Audio

Moña añlatma birün kiräge yuq dip uylıym

Färit İdelle, Praga
XS
SM
MD
LG