Accessibility links

якшәмбе, 11 декабрь 2016, Казан вакыты 03:29

Ğıraq räsmiläre: AQŞ armiä häm küzläw aparatıp taratıp xata yasadı


Ğıraqtağı koalitsiä köçläre belderüenä qarağanda urtaça alğanda alarğa könenä 30 höcüm oyıştırıla.Çärşämbedä Nasiriyede 19 italian ğäskäriä häm 9 ğıraqlı sivilneñ häläk buluı, AQŞ citäklägän koalitsion köçlär höcümne tuqtaçaq küzläw mäğlümätenä iä tügelme ide digän sorawnı tağı ber märtäbä köntärtibenä quya. Küp kenä ğıraqlılar AQŞ bälkim dä Ğıraq armiäse häm küzläw aparatın bik aşığıp tarattı ,şunlıqtan xäzer cafa çigä digän fikerdä.

Säddäm Xösäin rejimı waqıtnda Ğıraq iminlek oyışmalarında yaqınça yartı million keşe eşläde. Säddäm bärep töşerelgännän soñ baatçılarnı tazartu başlanğaç alarnıñ zur öleşe urınnarın yuğalttı.İldä torğan çit il köçlärenä yasalğan höcümnär artqanan arta barğanda ,küp kenä ğıraqlılar koalitsion köçlär küzläw strukaturasın taratıp, üzlärenä zarar kitermädeme mikän digän sorawlar quya.1990-nçe yılda Ğıraqtan qaçıp çıqqan häm sonğı 12 yıl AQŞ küzläw idaräsenä Säddämne bärep töşerü öçen plannar äzerläwdä yardäm itkän general Möxämmäd Abdulla al Şahwani süzlärençä üze kebek Säddämgä turılıqlı bulmağan ğadi ğıraqlılar da AQŞnıñ şundıy küp xärbi häm küzläw räsmilären quuları belän qänäğät tügel . General bolay di(audio) Bezneñ bik yaxşı razvedka çeltäre bar ide, alar här närsäne belä ide. , Alar öylärenä qaytarıldı. Beräw dä ul eşne eşli almıy, baştan başlarğa teläsen waqıt kiräk. Minemçä mäxsus küzläw törkeme -muxabarättän qala barlıq politsiä kire qaytarılırğa tieş. Al Şahwani AQŞnıñ iminlek aparatın taratuı, çiklärneñ yaxşılap saqlanmawı çit il terrorçılarınıñ ütep kerüenä säbäp buldı, tağı da qurqınıçrağı koalitsiäneñ quıp cibärgän iminlek ölkäsendäge räsmilär aqça ezläp yäki üç alu mäqsatında terrorist törkemnärgä quşıladip söyli Şahwani bolay dip belderde(audio) Alar armiägä aqça öçen kerde. Alarıñ Ğıraq xökümäte belän kontraktı bar ide, kemder kilep bu kontraktlarnı köçtän çığardı. Alar niçek yäşiyäçäk. Alarnıñ küpçelege ,mömkinçelek bulsa terror oyışmalarına quşılaçaq. Qayber ğıraqlılar, ğıraqlı iminlek räsmiläre, xätta qayberläre Säddäm zamanında ildän qaçıp kitkän keşelärneñ täğdim itkän yardämnären amerikannarnıñ qabul itmäwen añlamıy.90-nçe yıllarda Ğıraqtan qaçıp çıqqan xärbilärneñ oyıştırğan Ğıraq Milli kileşü törkeme citäkçese Hani İdriss bez Koalitsiäneñ vaqıtlı xakimiäte başlığı Paul Bremergä iminlek mäsälälärendä yardäm täğdim itsäk tä här daim kire qağıldıq çönki alar üz iminlek mexanizmın buldırırğa teli., ämma alar uñışqa ireşä alamdı dip söyli.Axmäd Çalabi citäklägän eksildäge ğıraqlılarnıñ Ğıraq Milli Kongressı süzçese Qanbar , CİA cirle informantlar alırğa tırışsa da praktik näticäläre bulmadı di. Qanbar süzlärençä(audio) min könyaqta qabilä başlıqların cälep itü öçen zur tırışlıq alıp barıluın işettem.Ğıraqnıñ törle cirlärendä tırışlıqlar bara. AQŞ küzläw räsmiläre Ğıraq cämğiäten belmi, anı qatmarlı buluın añlamıy. Qanbar min AQŞnıñ cirle küzläw çeltäre buldıru tırışlaqlarındağı problemalar xaqında küp kenä mäzäklär işettem dip äytte. Koalitsiä räsmiläre küzläw mäsäläläre turında komentar birmiäçäklären beldergän. Ämma çärşämbädä Nasiriädä küp keşeneñ häläk buluı koalitsion köçlärneñ citärlek informatsiägä iä bulmawın kürsätep tora.

färidä xämit. praga
XS
SM
MD
LG