Accessibility links

җомга, 2 декабрь 2016, Казан вакыты 21:09

Tbilisida meñnärçä demonstratsiäçe prezident Şevardnadzenı xakimiättän kitärgä çaqıra


Gruziä prezidentı Eduard Şewardnadzenıñ xakimiättän kitüen taläp itep Tbilisi uramnarına meñnärçä demonstratsiäçe çıqtı. Şevardnadze däwlät televidenie aşa çığış yasap tınıçlanırğa çaqırdı häm 2-nçe noyäberdäge parlament saylawlarınnan soñ başlanğan bu demonstratsiälär ildä yaman xällärgä säbäp bula ala dip kisätte. Ämma oppozitsion Milli Xäräkät blogı citäkçese Mixail Saakaşvili oppozitsiä tarafdarların Tbilisida cıyılırğa çaqırdı häm Şewardnadze demonstratsiäçelär yanına çığıp söyläşsen, çıqmasa cıyılğan xalıq anı preziden dip sanawdan tuqtıyaçaq dide. Tbilisida berniçä meñnän alıp 20 meñgä qädär keşe cıyılğan dip xäbär itelä. Qayber demonstratsiäçelär prezident xäzer ük wazıyfasınnan çigensen digän şiğarlär kütärgän. Saakaşvili demonstratsiäçelär xökümät binaların köç belän yawlap almıyaçaq dide. Xakimiätlär tınıç demonstratsiälär ütkärüne röxsät itäçäklären, ämma köç qullanularğa tüzep tormayaçaqların belderä.

XS
SM
MD
LG