Accessibility links

якшәмбе, 4 декабрь 2016, Казан вакыты 21:26

Ğiraq İdarä Şurası äğzaları küçeş çorı xökümäten konstitutsiä qabul itügä qädär ük oyıştıru yaqlı


AQŞ prezidentı George Bush Ğiraqtağı AQŞ waqıtlı idaräse başlığı Paul Bremerğa, Ğiraq İdarä Şurası belän bergäläp säyäsi xakimiätne ğiraqlılarğa tapşırunı tizlätü yulların ezlärgä quşuı turında äytkän ide. Şura äğzası Mäxmüt Otman süzlärençä, şura äğzaları Bremer belän irtägä Bağdadta oçraşırğa mömkin. Ğiraqtağı AQŞ xärbiläre äytüençä, Amerikanıñ Apaçi boralağı AQŞ xärbi bazasına raketa höcüme başlarğa cıyınuçı 7 ğiraqlını ütergän. Amerikan xärbiläre wäkile Josslyn Aberle boralaq bu ğiraqlılarnı kiçä kiç Tikrittan 30 çaqrım tönyaqta kürep alğan dide. Tikrin Säddam Xösäinneñ tuğan şähäre. Aberle süzlärençä, bu üterelgän ğiraqlılar Säddam tarafdarı dip isäplänelä. Şuşı höcüm waqıtında ber ğiraqlı yaralanıp äsir alınğan, berse qaçıp kitkän. Soñraq şul urınğa AQŞ soldatları cibärelgän häm soldatlar anda ike bazğa yäşerelgän, ber maşinağa töyälgän barlığı 600-dän artıq raketa tapqan. Bügen Bağdadnıñ könyağında yulğa quyılğan bomba şartlawdan ike amerikan soldatı yaralandı.

XS
SM
MD
LG