Accessibility links

җомга, 9 декабрь 2016, Казан вакыты 08:54

Aldağı atnada kötelgän Fälestin-İzrail' söyläşülärenä äzerlek eşläre bara


Fälestin premyer-ministrı Äxmät Qurai tizdän suğışçan törkemnär belän İzrail' arasında atışlarnı tuqtatu turında söyläşülär başlanır dip kötäm dide. Qurai äytüençä, söyläşülär irtägä Mırıs küzläw xezmätläre başlığı Umär Söläyman kilgännän soñ başlanır dip kötelä. Moñarçı bulğan atışlarnı tuqtatu kileşülärenä dä Söläymannıñ aradaşlıq yardäme belän ireşelgän ide. Fälestin yağı belän söyläşülär aldınnan Yerusalimda İzrail' premyer-ministrı Ariel Şaronm xökümät belän oçraşıp İzrail' strategiäse turında söyläşte. Qurai belän Şaron bu aldağı atnada oçraşırğa cıyına. İke taraf ta xalıqara yaqlawğa nigezlänüçe yul xaritası dip atalğan tınıçlıq planın tormışqa aşıru teläge belderde. Gaza Sızığında köç qullanular däwam itä. Rafah qaçaqlar lagerenda röxsätsez qoral säwdäse belän şöğellänüdä şiklänelüçe keşene qulğa alu operatsiäse barışında İzrail' xärbiläre 2 fälestinlene üterde.

XS
SM
MD
LG