Accessibility links

чәршәмбе, 7 декабрь 2016, Казан вакыты 15:39

İzrail' tışqı eşlär ministrı Silvan Şalom İstanbulda ike sinagogada bulğan şartlawlar qorbannarınıñ tuğannarı qayğısın urtaqlaşa


Şimbä könne älege şartlawlar näticäsendä kimendä 23 keşe hälak buldı, 240-tan artıq keşe yaralandı. İstanbul üzägendäge sinagogalar maşinağa quyılğan bomba belän şartlatılğannan soñ ber täwlek eçendä Şalom İstanbulğa oçtı. Nıqlı iminlek şartlarında ul 2 şartlaw urının da barıp kürde, Törkiädäge yähüd cämğiäte belän oçraştı. Şalom İzrail' Törkiä bu höcümnär öçen ğäyeplelärne cawapqa tartır dip ışana dide:

AUDİO: Bez Törkiä xökümäte kiräk bulğannıñ barsın da eşlär dip ışanabız. Bez dönyadağı barlıq demokratik däwlätlär belän xezmättäşlek itäbez häm Törkiä bu töbäktäge bik tä möhim däwlät. Häm, minemçä, alar bu terrorçılar belän niçek eş itärgä kiräklegen härkemnän yaxşıraq belä.

Şartlaw urınnarın Törkiä premyer-ministrı Receep Tayip Erdogan belän tışqı eşlär ministrı Abdulla Gul dä barıp kürde. Bügen älege höcümnärne ğäyepläwçelärgä Fälestin citäkçese Yassir Arafat ta quşıldı. Süriä, Mısır, Ğäräp Ligası, barısı da İstanbuldağı şartlawlarnı ğäyepläwçe belderülär belän çıqtı. Ğäräp Ligası başlığı Amr Mussa bu şartlatular öçen cawaplılıq İzrail' säyäsätenä äylänep qayta dide. Şartlawlarnı Törkiä häm İzrail' räsmiläre tikşerä.

XS
SM
MD
LG