Accessibility links

шимбә, 10 декабрь 2016, Казан вакыты 11:54

18-nçe noyäberdä Bushnıñ Britaniägä 4 könnek räsmi vizitı başlana


AQŞ prezidentı Buş 18-nçe Noyäberdä dürt könnek räsmi vizit belän Britaniägä kilä. Ğädättä Britaniäneñ iñ möhim berektäşe bulğan AQŞ prezidentınıñ anda kilüe xuplanıp qarşı alına. Läkin, küpkenä Britannarnıñ Ğıraq suğışına qarşı buluı säbäple vazğiät kierenke. Terror ixtimallığı säbäple dä iminlek mäsäläse östämä problemma tudıra.

Prezident Buşnıñ vizitı dävlät başlıqlarınıñ räsmi vizitına xas bulğan tanatanalar belän ütkäreläçäk. Alar arasında bilgesez soldat qaberenä çäçkä bäyläme quyu häm patşa bikäneñ 150 qunaqqa Buckingham Sarayında banket birüe dä bar. Buş häm xatını Laura da ul Sarayda qalaçaqlar. Buş şulay uq Ğıraqta hälak bulğan Britan xärbilärenneñ ğailäläre belän dä oçaşaçaq. Buş vizitınıñ soñğı könendä Blairnıñ saylau okrugı Sedgefieldta , anıñ öyendä bulaçaq , cirle pubqa kerep çığaçaq, borınğı çirkäv häm George Washongtonnıñ borınğı babalarınıñ öyendä bulaçaq. Räsmi vizit duslarça bulsa da , döşmannarça reaksiä dä bulaçaq. Xalıqara mäsälälär buyınça patşa institutınıñ Yevropa Programması mödiräse Julie Smithnıñ süzlärençä,

Audio

"İke ilneñ citäkçeläre arasında köçle mäxsus mönäsäbätlär bar , läkin, bu vatandaşlarğa barıp cetmi. Ğadäte amerikannar belän mönäsäbätlär yaxşı. Läkin, ildä Ğıraqtağı suğışqa häm andağı xäzerge vazğiätkä qarata borçılu bar. Şul säbäple dävlät vizitınıñ vaqıtı döres saylanmadı digän fikerdägelär dä bar."

Populus-The times gazetası ütkärägän alıq fikeren beleşüneñ näticäläre şunı kürsätä- äle bu yılnıñ yazında ğına Ğıraq suğışın 64 protsent yaqlağan bulsa, ul xäzer 37 protsentqa töşkän. Küpkenä Britannar Buşnñ vizitına qarşı demonstratsiädä qatnaşmaqçılar. Buşnı tutqtau kampaniäse dip atalğan ber törkem Pänçeşämbe könne Trafalgar Maydanında demonstratsiä ütkäräçäk. Militisä iminlek mäsäläsen bik citdigä ala. Läkin, militsiäne demonstratsiälärgä qarağanda, Al Qayda terrorçılarınıñ suğışqa qarşı demonstratiäne faydalanıp, Buşnıñ iminlegenä qurqınıç tudıru ixtimallığı küberäk borçıy. Annan başqa kibetlärgä häm cämğiät milkenä zian kilü ixtimallığı da zur. Mätbuğatta basılıp çıqqan xäbärlärgä qarağanda, äle genä Parijda Yevropa Sotsial Forumın özärgä tırışqan xalıqara anti global xäräkätendäge huligannar häm anarxistlar Londonğa yul totalar ikän. Läkin, Britaniä xakimiätläre vazğiät kontrol astında dip belderälär. London Mere Ken Livingsonenıñ süzlärenäçä,

Audio

"Äzerlegebez yaxşı. Bu ildä 190 yıldan birle ber genä premiergä dä höcüm bulmadı."

Şulay Britaniä Buşnıñ viziutına äzerlänä. Backingham Sarayı tiräsendä mäxsus militsiä etlär belän patrul yöri häm Buş programması turında ğomumi mäğlümät bulsa da, täfsille häm tögäl mäğlümätlär yäşeren totıla.

Färit İdelle, Praga.
XS
SM
MD
LG