Accessibility links

сишәмбе, 6 декабрь 2016, Казан вакыты 15:04

Serbiä häm Çernogoriädä prezidentnıñ saylanmawın tışqı eşlär ministrı "artqa çigenü" dip atadı


Serbiä häm Çernogoriä tışqı eşlär ministrı Goran Svilanoviç, kiçä prezident saylanmawı – böten il öçen artqa taba adım yasaw buldı, dip belderde. Saylawlarda xalıqnıñ 37%tı ğına qatnaştı, kimendä 50% kiräk ide. İnde öçençe tapqır xalıqnıñ saylawlarda qatnaşmawı säbäple Serbiädä prezident saylana almıy. Ultra-millätçelär partiäse başlığı Tomislav Nikoliçnıñ kiçä tawşılarnıñ 46%tın yawlawı – Serbiä häm Çernogoriäneñ xalıqara statusına hiçşiksez tä'sir yasıyaçaq, dide Svilanoviç. Radikal partiäneñ räsmi wäkile Akeksandr Vuçiç, Reuters mäğlümat agentlığına, dekabr ayında uzaçaq parlament saylawlarına firqaneñ populyarlığı zur, dip belderde. "Monnan soñ, dekabrneñ 28endä uzaçaq parlament saylawlarınnan soñ bez iñ köçle partiä bulırbız, dip ışanabız, " dude Vuçiç.

Kiçä, Serbiä premyer-ministrı Zoran Zivkoviç, saylawçılarnı kiläse ayda reforma yaqlı namzätlärne yaqlarğa çaqırdı.

XS
SM
MD
LG