Gruziä prezidentı Eduard Şevardnadze, 2005nçe yılnıñ aprilenä bilgelängän prezident saylawlarına qadär üz urnınnan kitmiäçäge turında belderde. Radio aşa xalıqqa möräcäğät itep, Şevardnadze, 2nçe noyäbrdä uzğan parlament saylawlarınnan soñ başlanğan protest çaralarınıñ maqsatı – anı prezident wazifasınnan töşerü , dide. Bu çaralarnı oyıştıruda yardäm itüdä Şevardnadze qayber finans törkemnärne ğayepläde. Oppozitsiä belän bügen söyläşülär uzdırırğa kiräk, tağın 10 könnän inde soñ bulaçaq, dide Şevardnadze. Gruziä prezidentı, Gruziädä konstitutsion tärtipne saqlawnı yaqlağan çit il xökümätlärenä räxmäten belderep, oppozitsiäne söyläşülärgä çaqırdı.
Tbilisida protest çaraları däwam itä. Bügen qarşılıq belderüçelärgä teläktäkşlek yözennän maşina yörtüçelär maşinaların tuqtatıp signal birep tordı.
Tbilisida protest çaraları däwam itä. Bügen qarşılıq belderüçelärgä teläktäkşlek yözennän maşina yörtüçelär maşinaların tuqtatıp signal birep tordı.
