Accessibility links

Tönyaq Koreanıñ atom programması mäs'äläsendä söyläşülär kiläse ayda uzırğa mömkin


Bügen Quşma Ştatlar häm Könyaq Korea saqlanu ministrlarınıñ iminlek mäs'älälärenä bağışlanğan yıllıq oçraşuında Tönyaq Koreağa, atom töş qoral citeşterü kebek ambitsiälärdän qotılırğa digän möräcäğät yañğradı. Donald Rumsfeld häm Cho Young-Kil, Pxenyannı atom programmasın tuqtatırğa, atom qoralın citeşterüne häm sınawlarnı tuqtatırğa çaqırdı.

Rumsfeld, bu mäs'älädä Quşma Ştatlar, Yaponiä, Könyaq Korea häm Qıtay xezmättäşlek itä, dip belderde: "Quşma Ştatlar häm prezident , Könyaq Korea, Yaponiä, Qıtay Xalıq respublikası belän tığız xezmättäşlektä tora. Bez Tönyaq Korea dönyadağı tınıç illär kebek bu mäs'äläne xäl itergä tınıç yul tabır digän ömet belderäbez", dide Rumsfeld.

Amerikan däwlät sekretare urınbasarı James Kelly, Tönyaq Koreanıñ atom programması mäs'äläsendä berniçä il qatnaşında söyläşülärneñ kiläse ayda uzuı ixtimal, dip belderde.
XS
SM
MD
LG