Accessibility links

якшәмбе, 11 декабрь 2016, Казан вакыты 01:29

Gruziä başqalası Tbilisida prezident Eduard Şevardnadze tarafdarları uram cıyını oyıştırdı


Gruziä parlamentı binası yanına prezident Eduard Şevardnadzenı yaqlap bügen berniçä meñ keşe cıyılğan. Mäğlümat agentlıqları xäbär itüençä başta sport sarayında 8 meñgä yaqın keşe cıyılıp soñınnan parlament binasına taba 3 meñnän artıq keşe kitkän. Mäğlüm bulğança Tbilisi'da 2 noyäbr könne uzğan parlament saylawlarınnan soñ başlanğan uram cıyınnarı äle dä däwam itä. Saylawlarnıñ räsmi näticäläre äle dä iğlan itelmägän. Saylaw üzäkläre, alda Şevardnadze yaqlı partiä bara, ikençe urında, bügen xökümät yaqlı uram cıyını oyıştırğan Aslan Abaşidzenıñ Demokratiägä Qaytu Berlege partiäse, dip xäbär itte. Kön sayın diärlek uram cıyınnarın şulay uq oppozitsiädäge Milli Xäräkät-Demokratik Front ta oyıştıra, partiä häm anıñ citäkçese Mixail Saakaşvili saylawlarda alarnıñ ciñüen tanunı häm Şevardnadzenıñ kitüen taläp itä. Gruziä prezidentı wazifasınnan waqıtınnan alda kitmiäçäge turında belderde.

XS
SM
MD
LG