Accessibility links

шимбә, 3 декабрь 2016, Казан вакыты 09:47

Rusiä xärbi köçlären reformalar kötä


Rusiä prezidentı Vladimir Putin bügen yuğarı däräcädäge xärbi citäkçelär belän bulğan oçraşu waqıtında Rusiä armiäse awırlıqlarğa äzer bulırğa tieş, dip belderde. Xärbi reformanıñ maqsatı – 2007nçe yılğa xärbi köçlärneñ yartısın professional ğaskärlärgä äyländerü häm mäcbüri xärbi xezmätne ike yıl urnına ber yılğa ğına qaldıru. Xärbilärneñ äzerlegen üsterergä kiräk, dide Putin. Oçraşuda qatnaşqan saqlanu ministrı Sergei İvanov, Rusiädä xärbi oçuçışlarnıñ ostalığı kimede, şunıñ öçen häläkätlär sanı arttı, dip xärbi hawa köçläre başlıqlarına täñqit belderde. Şulay uq İvanov xärbi citäkçelär arasında kiñ taralğan başbaştaqlıq häm wazifaların üz mänfäğätlärendä qullanu kebek küreneşlärgä dä basım yasadı, xärbilärneñ üz üzlärenä qul salu, ber berlären üterü oçraqları arttı, dide.

XS
SM
MD
LG