İnde xäbär itelgänçä kiçä Brüsseldä açılğan Yevropa Berlege tışqı eşlär ministrlarınıñ cıyınına bügen Amerikan Däwlät Sekretare Colin Powell da quşıldı. Powell, ministrlar aldında çığış yasap – Yevropa belän Amerika Quşma Ştatları arasında qaywaqıt bik tirän fiker ayırmalıqları bula, läkin xalıqara säxnädä alar barıber xezmättäşlek itä, dip belderde: "Yaña ğasırnıñ awırlıqların ber il üze genä ciñep çığa almıy. Bu awırlıqlarnı ciñep çığuda dönyanıñ ömete barıber Yevropa Belän Quşma Ştatlar arasındağı kiñ häm ozaq däwam itäçäk xezmättäşlegendä" dide Powell.
Irannıñ atom töş programması mäs''äläsendä Powell, Quşma Ştatlar, İran üzendä atom qoralı citeştermäwenä dälillär kitergänçe tınıçlana almıyaçaq, dip Xalıqara Atom Energiäse Agentlığın İranğa qarata qırısraq rezolütsiä qabul itergä çaqırdı. Agentlıq İrannıñ atom programması mäs''äläsendä pänceşämbe könne cıyılaçaq.
