Däwlät sekretarı C.Powell Kiçä Brüsselda 25tışqı eşlär ministırı belän töşke aşta oçraştı. Ul Waşingtonnıñ borçılğan qayber mäsälälärdä sorawlar birep qarasa da , Yevropa Berlege aldan qararlaştırılğanıça , oçraşu tik trans –Atlantik mönäsäbätläre turında räsmi bulmağan fiker alışu bulaçaq digän pozitsiäsen üzgärtmi, anıñ sorawlarına açıq anıq cawap birmäde.Berlek çığanaqlarınıñ belderüenä kürä Powell,Berlekneñ konstitutsiä proyektı saqlanu ölkäsendä üzara xezmätäşlek itergä röxsät itä bu närsäne añlata? Berlekneñ planlaştıru başkavartirası nindi mäqsat quya? Bu NATO , AQŞ belän xezmätäşlekkä nindi täsir yasayaçaq ? kebek sorawlar birgän. Ber diplomatnıñ äytüenä qarağanda, ber mäsälädä dä ciddi debatlar bulmağan, ämma ğomumän alğanda berlekneñ cawapları näzäqätle, matur bulğan. Fransiä belän Germaniä , saqlanu mäsäläsendä Berlekneñ nindider däräcädä aftonomiäse turındağı teläklären belgertsälär dä, trans-Atlantik mönäsbätläre oçraşuda ber niçek tä soraw astında qalmadı. C.Powell jurnalistlarğa NATOnıñ berdäm bulıp qalaçağına ışanam, berlekneñ saqlanu mäsäläsändä nığuın xuplıbız digän Powell(audio)
Quşma Ştatları berläşkän, kiñäygän dönya säxnäsendä zur rol uynağan Yevropa teli.Yevropa Berlege saqlanu mömkinçelegen kiñäytsä dä, AQŞ belän Yevropnıñ iminlege bergäläp NATOğa bäylängän.Bez Berlekneñ iminlek ölkäsendä üzen üsterü inisiativaların yaqlıybız.
İrannıñ atom programması berlek belän Powell oçraşuında in bäxäsle mäsälä bulıp kürende.Powell Tehran döres yaqqa borılsa da , ul xalıqara cämäğätçelekkä bilgele programmaların tämam tuqtatqançığa qädär Waşington qänäğät bulmayaçaq dip söyläde.Powell xalıqara Atom Agentlığınıñ atnakiçtä bulaçaq cıyınında AQŞ İran belän yıllarça däwam itkän qıyınlıqlarnı dönyağa kürsätäçäk qatı telle rezolutsiä teli,çınbarlıq şul ki Tehran atom qoralların cäyeldermäw kileşüenä turılıqlı bulmadı dip söyläde. Yevropa Berlege Powel şuluq fikerdä tügel şikelle çönki berlekneñ tışqı säyäsät koordinatorı J.Solana bez İrannıñ atom töşsez zona buluın telibez ,ämma qurqınıç buldırmaw öçen in yaxşı yul dialog dip äytep (audio)
Bez İran belän konstruktiv dialog aşa uran bayıtunı tuqtatuğa ireşergä tırışabız. Bez bu bayıtu protsesın tuqtatırğa telibez ,bez tınıç bulmağan mäqsatlar öçen atom programması buldıru häväfen tuqtatırğa telibez.
Qayber çığanaqlar Powell yomşaq resolutsiä qabul itkänçe, anı bötenley qabul itmäwne xäyerleräk kürä dip äytte. Başqa xalıqara mäsälälärdä isä Yevropa Berlege belän Powell arasında ber nindi fiker ayırmalıqları bulmağan.Ğıraq mäsäläsendä däwlät sekretarı, AQŞ konstitutsiäneñ fevral ayında äzer buluın häm iyün azağında waqıtlı Ğıraq xökümäteneñ eş başına kilüen teli digän.Yaqın könçığış turında ul Amerika yul xaritası-tınıçlıq planınıñ ğämälgä quyuluın teli dip belderep, Berlek belän şuluq fikerdä buluın kürsätte. Powell Russiägä qarata borçılu belderep,Yevropa Berlege Mäskäüdän xalıqara mäsälälärdä alğan yäklämärenä turılıqlı buluın taläp itergä tieş dip äytep Russiä 1999nçe yılda Yevropada İminlek häm Xezmättäşlek oyışmasına wäğdä itkäneçä Moldovadan ğäskär häm xärbi kiräk yaraqların çığarırğa tieş dip äytkän.
färidä xämit,praga
färidä xämit,praga