Accessibility links

Кайнар хәбәр

AQŞ prezidentı Bush Londonda çığış yasağanda Ğiraq häm Äfğanstanğa xärbi köçlär kertüne xupladı


Amerikan prezidentı George Bushnıñ Britaniägä säfäre däwam itä. Bügen Londonnıñ Whitehall sarayında yasağan çığışında Bush , Quşma Ştatlar ğaskärläreneñ Ğiraq häm Äfğanstanğa kerüen yaqlap, suğışçan tiskäre köçlärgä qarşı qaywaqıt köç qullanu kiräk, dip belderde. Küpläp üterü qoralı qullanğan diktatorlar häm terrorçılar – ğasırnıñ iñ zur qurqınıçı, dide Bush .

Buş süzlärençä, Amerikan häm Britan säyäsäte – barı tik urtaq mänfäğätlärgä genä nigezlänmägän:

"Quşma Ştatlar häm Britaniäneñ missiäse – xakimiät büleşü yäki ğadi genä mänfäğätlär mäs'äläsennän östenräk. Bez ireklek buldıru häm ireklek kitergän tınıçlıq buldırunı telibez. Ber berebezdän yıraq cirlärdä bez şuşı yuğarı maqsatqa ireşergä tırışabız, Amerika Britaniäneñ batır ulların häm qızların xörmät itä", dide Bush.

Amerikan prezidentına qarşı uram cıyınnarında qatnaşuçılar Buş sürätlängän bitleklär häm patşa zamanındağı kiemnär kiep "Buş öyenä qaytıp kitsen" digän şiğärlär totıp bügen Londondağı Thames yılğası häm Trafalgar mäydanı buylap uzdı.
XS
SM
MD
LG