Accessibility links

шимбә, 10 декабрь 2016, Казан вакыты 19:43

İstanbulda ber yulı bulğan şartlawlarda kimendä 26 keşe hälak buldı, 450gä yaqını yaralandı


Bügen İstanbulnıñ säwdä, eşmäkärlek häm turistik üzägendä bulğan şartlawlarda 26 keşe hälak bulğan, 450dän artığı yaralanğan. Küp binalar cimerelgän, bigräk tä iñ zur ziyan – Britan konsullıgına häm Britan bankına bulğan, dip xäbär itelä.

Yevropa Berlege, Fransiä prezidentı Jacque Chirac, Rusiä, Polşa, İsrael tışqı eşlär ministrlıqları, İtaliä häm Gretsiä premyer-ministrları, Süriäneñ mäğlümat häm İrannıñ eçke eşlär ministrlıqları häm Vatikan, İstanbulda yasalğan höcümnärne kisken täñqitläp, Törkiägä teläktäşlek belderde.

Londonğa säfären däwam itkän amerikan prezidentı George Bush, terrorçılar yañadan ireklekkä qarşı buluların kürsätte, dide. Läkin alar irekle däwlätlärne qurqıta almıy, dip östäde Bush.

Törkiä yustitsiä ministrı Cemil Çiçek, bügenge şartlawlar şimbä könne sinagoglar yanında bulğan terror höcümnären xäterlätä, dip belderde. Britaniä tışqı eşlär ministrı Jack Straw da şartlawlarda Al Qaida eze bar, dide. Stokholmda säfärdä bulğan Törkiä tışqı eşlär ministrı Abdulla Gül, Törkiä terrorğa qarşı köräşne däwam itäçäk, dip belderde: "Xäzer bez oyışqan terror ğamällärenä duçar buldıq. Qızğanıçqa qarşı, küpme ber ğayepsez keşene yuğalttıq, ämmä bez terrorğa qarşı köräşne däwam itäçäkbez" dide Abdulla Gül.

Törkiä räsmiläre xäbär itüençä bügen xökümät köçläre ilneñ könyaqkönçığışında 14 körd suğışçısın ütergän. Anadolu mäğlümat agentlığı xäbär itüençä bäreleşlär Bingöl provinsiäsendä bulğan, suğışçılarğa hawadan höcüm itelgän. Törkiä räsmiläre belderüençä, şimbä könne İstanbulda bulğan intixar höcümnären Bingöl ölkäsennän kilgän ike terrorçı oyıştırğan bulğan.

XS
SM
MD
LG