Accessibility links

шимбә, 10 декабрь 2016, Казан вакыты 21:27

Bağdadtağı ike otel häm neft ministrlığı binasına bulğan höcümnärgä Ğiraq politsiäse köç qullanu belän cawap qaytaraçağın belderde


Bügen Ğiraq başqalasında atılğan raketa ike otel häm Ğiraqnıñ neft ministrlığı binasına ziyan kitergän, ülüçelär yuq, dip xäbär itelä. Ğiraq politsiäse başlığı Ahmed İbrahim, politsiä köçläre terror ğamälenä köç qullanu belän cawap qaytaraçaq, dip belderde. Amerikan xärbiläreneñ matbuğat wäkile polkovnik Peter Mansoor Fälestin otelendä ber keşe cärähätlär aldı, dip xäbär itte. Raketalar işäk arbasına quylğan bulğan dip xäbär itelä.

Azatlıq radiosınıñ Bağdadtağı xäbärçese Valentinas Mite'ğa Fälestin otele binasına bulğan höcümneñ şaxite menä närsälär söyläp birgän: "İrtänge 7 tulıp 15 minut tiräsendä böten tirä-yaqnı teträtkän köçle şartlaw buldı. Şunnan soñ min ike işäk arbası häm alardan kürengän raketa atqıçların kürdem. Yaqınça 8 raketa Fälestin otelenä atıldı, binanıñ öske öleşenä, qayadır 14nçe belän 17nçe qatlar arasına" dide şartlawnı üz küzläre belän kürgän Bağdad keşese... Şulay uq 30 raketa tutırılğan raketa atqıçı İtaliä ilçelege yanında tabılğan dip xäbär itelä

XS
SM
MD
LG