NATO General Sekretare George Roberston, kiçä İstanbulda bulğan şartlawlar terrorğa qarşı köräşergä häm anı ciñergä kiräk ikänen isbatladı, dip belderde. Madridta çığış yasap, Roberston, "iminlek xäzer här keşe öçen köntärtibendäge iñ möhim mäs'älä" dide. Kiçä kimendä 27 keşeneñ hälak buluına kitergän terror ğamäle – terrorğa qarşı köräştä oyışmalarğa, häm NATO kebek berlekkä berläşergä kiräk ikänen kürsätte, dide Robertson.
Bügen Amerikan prezidentı George Bush Törkiä premyer-ministrı Recep Tayyip Erdoğanğa şaltratıp, terrorğa qarşı köräştä bergä bulırğa çaqırğan. Söyläşüdä – terrornıñ ideologiä yä dini nigeze yuq, digän fikergä basım yasalğan. Bügen şartlaw bulğan urınnarnı barıp kürgän Britaniä tışqı eşlär ministrı Jack Straw, Britaniä häm "tsivilzatsiä dönyası" global terrorğa qarşı köräştä Törkiägä teläktäşlek belderä, dide: "Tsivilizatsiäle dönya wäkilläre bularaq, bez global terrorğa duçar buldıq häm anıñ belän global şartlarda eş itergä kiräk. Bu höcüm Törkiä xalqına ğına tügel, bu höcüm britan mänfäğätlärenä dä buldı, häm bez Törkiä belän bergä!" dide Straw.
Törkiä tışqı eşlär ministrı Abdulla Gül Jack Straw belän berlektä uzdırğan matbuğat oçraşuında kiçäge terror höcümnären oyıştıruda şiklänelep berniçä keşe qulğa alındı, dip belderde. Qulğa alınuçılar turında başqa mäğlümat birelmäde. Gül, üz çiratında, Törkiä – "möselman ilendä demokratiä bula alğanın" kürsätergä tırışa, dip belderde: "Bez demokratiäne üsteräbez. Bez möselman ileneñ dä demokratik, açıq, keşe xoquqları torışı yaxşı bulğan däwlät bula alğanın isbatlarğa tırışabız. Bez möselman ileneñ dä alğa kitkän dönya belän köndäşlek itä aluın kürsätergä tırışabız. Qayber keşelärne bälki bu borçıydır," dide Abdulla Gül.
Kiçä İstanbulda bulğan terror ğamälläre öçen cawaplılıqnı üz östenä Al Qaidanıñ ber qanatı bulğan Abu Hafiz al-Masri Brigadaları törkeme alğan dip xäbär itelä. Näq şul uq törkem uzğan şimbä könne sinagoglar tiräsendä dä şartlarlaw oyıştıruda ğayeplänä.
Bügen Amerikan prezidentı George Bush Törkiä premyer-ministrı Recep Tayyip Erdoğanğa şaltratıp, terrorğa qarşı köräştä bergä bulırğa çaqırğan. Söyläşüdä – terrornıñ ideologiä yä dini nigeze yuq, digän fikergä basım yasalğan. Bügen şartlaw bulğan urınnarnı barıp kürgän Britaniä tışqı eşlär ministrı Jack Straw, Britaniä häm "tsivilzatsiä dönyası" global terrorğa qarşı köräştä Törkiägä teläktäşlek belderä, dide: "Tsivilizatsiäle dönya wäkilläre bularaq, bez global terrorğa duçar buldıq häm anıñ belän global şartlarda eş itergä kiräk. Bu höcüm Törkiä xalqına ğına tügel, bu höcüm britan mänfäğätlärenä dä buldı, häm bez Törkiä belän bergä!" dide Straw.
Törkiä tışqı eşlär ministrı Abdulla Gül Jack Straw belän berlektä uzdırğan matbuğat oçraşuında kiçäge terror höcümnären oyıştıruda şiklänelep berniçä keşe qulğa alındı, dip belderde. Qulğa alınuçılar turında başqa mäğlümat birelmäde. Gül, üz çiratında, Törkiä – "möselman ilendä demokratiä bula alğanın" kürsätergä tırışa, dip belderde: "Bez demokratiäne üsteräbez. Bez möselman ileneñ dä demokratik, açıq, keşe xoquqları torışı yaxşı bulğan däwlät bula alğanın isbatlarğa tırışabız. Bez möselman ileneñ dä alğa kitkän dönya belän köndäşlek itä aluın kürsätergä tırışabız. Qayber keşelärne bälki bu borçıydır," dide Abdulla Gül.
Kiçä İstanbulda bulğan terror ğamälläre öçen cawaplılıqnı üz östenä Al Qaidanıñ ber qanatı bulğan Abu Hafiz al-Masri Brigadaları törkeme alğan dip xäbär itelä. Näq şul uq törkem uzğan şimbä könne sinagoglar tiräsendä dä şartlarlaw oyıştıruda ğayeplänä.
