Accessibility links

якшәмбе, 11 декабрь 2016, Казан вакыты 03:35

Xalıqara Atom Agentlığındağı amerikan wäkile İrannı Atom Qoralın Cäyeldermäw Kileşüen daimi bozuda ğayepläde


Xalıqara Atom Agentlığı İrannıñ atom programması turındağı rezolüsiä ölgesen qabul itüne kiläse atnağa qadär kiçekterde. Agentlıqnıñ 35 il äğzsäläre kergän şurası bu qararnı bügen çığarırğa tieş ide, ämma agentlıq başlığı Möhammäd El Baradei, urtaq fikergä kilep bulmadı, qarar kiläse atnada qabul iteläçäk, dip belderde: "Minemçä, progress bar, söyläşülär, şura äğzaläre arasında bäxäslär bik qızu bardı. Alğa kiteş bar, ämma alarğa äle tağın östämä waqıt kiräk, añlawımça kiläse atnağa qadär rezolüsiä äzer bulmayaçaq" dide El Baradei.

Agentlıqnıñ matbuğat wäkile Melissa Fleming, çirattağı utırış kiläse atnanıñ çärşämbesendä bula, dip xäbär itte. Bügenge utırış İrannıñ – agentlıqqa atom programmasın tikşerergä wäkälätlär birgän protokolnı imzalarğa riza buluın raslaw belän tämamladı. Bu protokol köçkä kersen öçen anı äle İran parlamentı xuplarğa tieş.

Quşma Ştatlarnıñ Xalıqara Atom Agentlığındağı wäkile Ken Brill bügen İrannı atom töş qoralnı cäyeldermäw kileşüen "oyatsız räweştä daimi bozuda" ğayepläde. Amerika Berläşkän Millätlär Oyışmasınnan İrannı – kileşüne boza, dip iğlan itep ilgä sanksiälär kertüne taläp itä.

XS
SM
MD
LG