Accessibility links

җомга, 9 декабрь 2016, Казан вакыты 08:49

Törkiä premyer-ministrı İstanbul şartlawların oyıştıruçılarnıñ töreklär buluwın rasladı


İstanbul. Törkiä premyer-ministrı Räcäp Erdoğan bügen soñğı könnärdä İstanbulda bulğan häm 50-dän artıq keşeneñ ülüwenä kitergän 4 şartlawnı oyıştıruçılarnıñ törek millätennän buluwın rasladı. Atnakiç höcümendä hälak bulğan ike politsiä xezmätkären cirläw yolasında ul, monıñ öçen töreklärneñ cawaplı buluwı bar Törkiä öçen oyat närsä bulıp tora dip belderde. Şartlawlar öçen cawaplılıqnı älegä qädär, üzlären "äl-Qaidä"gä bäylägän kimendä 3 törkem yäisä şäxes aldı. "Hürriyet" basması mäğlümatına qarağanda, atnakiç britan mänfäğätlärenä qarşı yasalğan höcümnärne oyıştıruğa bäyle buluda şiklänelep 18 keşe qulğa alınğan. İstanbulda häm Törkiäneñ başqa şähärlärendä, şartlawlarğa näfrät belderep tınıç uram marşları ütkärelä. İstanbulda bu uñaydan 3 meñläp keşe cıyıldı, alar arasında soñğı täräqqiat öçen, yäğni terror tudıru öçen cawaplılıqnı Quşma Ştatlarğa yökläwçelär dä bar ide.

XS
SM
MD
LG