Accessibility links

якшәмбе, 11 декабрь 2016, Казан вакыты 17:00

İran Berläşkän Millätlärneñ üzendä keşe xoquqların bozu turında qarar qabul itüwen kire qağa


Tähran. İran xakimiate bügen, Berläşkän Millätlärneñ ildä keşe xoquqları bozıla digän ğäyepläwlären "bozıp kürsätelgän" dip atap, bu xaqta maxsus qarar qabul itüwen kire qaqtı. Berläşkän Millätlärneñ keşe xoquqları komissiäsendäge İran wäkile Päymänä Hasteyi, şuşı qarar İrannıñ eçke eşlärenä tıqşınu bulıp tora dip belderde. Tährannıñ keşe xoquqları ölkäsendäge citeşsezleklären xökem itkän qarar ölgesen komissiäneñ yıllıq utırışına Kanada täqdim itkän ide. Anı yaqlap 73, qarşı 49 tawış birelde, 50 ilneñ wäkile tawış birüdän totılıp qaldı. İrannı xökem itkän qararnı Quşma Ştatlar, Estoniä, Litva, Rumaniä kebek illär yaqladı, ä Rusiä häm islam däwlätläre moña qarşı çıqtı.

XS
SM
MD
LG