Accessibility links

чәршәмбе, 7 декабрь 2016, Казан вакыты 01:01

İzrail fälästinlelär belän söyläşülär uñmağan oçraq öçen üz çiklären bilgelägän plan äzerli


İerusalim. Bügen İzrail basmalarında dönya kürgän xäbärlärgä qarağanda, premyer-ministr Ariel Şaron, solıx söyläşüläre uñmağan oçraqta İzrailneñ fälästin cirläre belän yaña çiklären bilgelägän yaña plan äzerli. Anda qayber keçkenä yähüd utarlarınnan waz kiçü qaralğan dip tä xäbär itelä. Şuşı plannı, xalıqara cämäğätçelek tarafınnan yaqlanğan "solıx yulı" söyläşüläreneñ uñışsız tämamlanuwı oçrağında ğämälgä quya başlaw qaralğan. Monıñ qayçan eşlänä başlawı turında mäğlümat birelmi. Planda barı tik, çikneñ Könbatış Yarnı İzraildän ayıraçaq häm inde öleşçä qorılğan "iminlek diwarı" belän bilgelänäçäge, qayber yähüd utarların süteläçäge qaralğan. İzrail radiosı bügen, saqlanu ministrı Şaul Mofaznıñ İzrail xärbi hawa köçlärenä, Könbatış Yardağı yähüd utarlarınıñ hawa sürätlären alu ämeren birüwe xaqında belderde.

XS
SM
MD
LG