Accessibility links

сишәмбе, 6 декабрь 2016, Казан вакыты 17:17

BMO Törkmänstanda keşe xoquqların yaxşırtu öçen basım yasıy


BMOsı Ğomumi Meclese komitetı Törkmänstannı keşe xoquqların bozunı tuqtatırğa çaqırğan rezolutsiäne rasladı.Assambleyanıñ keşe xoquqları komitetında 37gä qarşı 72 tawış belän qabul itelgän 53 äğzanıñ tawış birüdän totılıp qalğan rezolutsiä kiläse ayda Ğomumi Meclestä ütäçäk dip kötelä. Bu tör rezolutsiälärne ütäw mäcburiäte bulmasa da simvolik ähämiäte zur.

BMOsı Ğomumi Mäcleseneñ xoquq komitetında Yevropa Berlegeneñ älege prezidentı İtalia tarafınnan täqdim itelgän rezolutsiädä Törkmänstan BMO keşe xoquqları komitetınıñ bigräk tä dini, politik represiäne tuqtatırğa digän kiñäşlären ütärgä çaqırıla.Xoqularnı bozu bigräk tä ber yıl elek prezident Saparmurat Niyazovnı üterü tırışlığınnan soñ kiskenäşep kitte İtalianıñ BMOdağı wäkile Andrea Cavalierigä qarağanda komissiäneñ aprel ayında reformalarğa çaqırğan rezolutsiäsennän soñ Törkmänstanda keşe xoquqları bigräk tä tupas räweştä bozıla başlağan. Cavalieri komitet aldında yasağan çığışında bolay dip äytte (audio) bigräk tä terkälmägän cämäğätçelek oyışmalarına qatnaşqan keşelär ezärleklänä, kisätelä häm in yamanı tınıç aktivlıları öçen bu keşelär östennän cinayät tikşerüe başlatıla.Bu Törkmänstan xökümäteneñ xalıqara yäklämälärenä häm keşe xoquqlarnıñ xalıqara standartlarına kileşle tügel. Rezolutsiä düşämbedä raslandı. Anda Törkmänstan xökümäte Yevropada iminlek häm xezmättäşlek oyışması belän bergäläp eşlärgä , oyışmanıñ milli azçılıqlar buyınça yuğarı komisarınıñ vizitları artırırğa çaqırıla.Dokumantta şulayuq Törkmänstan xökümäte törmädä totılğan keşelär yanına xalıqara qızıl xaç oyışması wäkillären şulayuq totqınnarnıñ , advokatları, yaqınnarınıñ vizitlarına röxsät birergä tieş dip äytelä. Törkmänstannıñ BMOdağı wäkile Aqsoltan Ataeva komitetqa minem ilem xoquq mäsäläsendä progres yasıy häm bu rezolutsiä xaqlı tügel dip beldergän . Ataeva Törkmänstan BMO keşe xoquqları öçen yuğarı komisarı belän eşli başladı, BMO belgeçlären texnik yardäm öçen ğıynuar ayında Törkmänstanğa çaqırdı häm Yevropa oyışması belän xoquq mäsäläsendä törle proyetlar östendä eşli dip söyläde. Ataeva rezolutsiäneñ bu turıda eş itü öçen efektiv çara bulmawın äytte. Ataeva (audio) BMO xoquq komitetında Törkmänstan turındağı rezolutsiägä in zur qarşılq kürsätü möselman däwlätlärennän buldı. Pakstan wäkile İştiaq Andrabi Törkmäsnatnnnıñ keşe xoquqları ölkäsendä yaqlap , ul aprel ayınnan birle bu ölkädä konkret çaralar kürde , rezolutsiä qabul itü komitetnıñ eşen ütä politik çarağa äyländerü bulıp tora dip söyläde.Düşämbedäge rezolutsiädä törkmen xökümäteneñ sonğı waqıtlarda BMO häm Yevropa oyışması belgeçläre belän elemtäläre telgä alınmağan. Cavalieri (audio) bez Törkmänstannı xalıqara cämäğätçelek şulsanda Yevropa oyışması belän dialogınıñ däwam itüen häm konkret näticälärgä alıp baruın kürergä telibez..keşe xoquqları komisiäseneñ barlıq mexanizmı belän kübräk xezmättäşlek häm totqınnar yanına qızıl xaç kebek bäysez xalıqara oyışmalarnıñ kerüenä röxsät itelüen telibez Düşämbedäge rezolutsiä başlıça yevropa illäreneñ yaqlawı belän qabul itelde. Ğädettä ayrım däwlätlärneñ keşe xoquqların bozuı turındağı rezolutsiälärdä qarşı tawış birgän Russiä bu märtäbä yaqlap tawış birde.

färidä xämit,praga
XS
SM
MD
LG