Accessibility links

сишәмбе, 6 декабрь 2016, Казан вакыты 19:03

Udmurtiä başqalası İjaw şähäreneñ cämiğ mäçetenä uraza ğäyetenä bıyıl xalıq küpkä artıq kilde


Mäçet İjaw şähärneñ ber çitendä urnaşqan. Däres, bu rayonnı tatar mäxälläse dip yörtsälär dä, buğen millättäşlärebez şähärneñ başqa töbäklärendä dä küpläp yäşi. Şuña da mäçettä zur bäyrämnär könendä, mäçetkä kilüçelärgä xörmät yözennän, xätta bu yaqtağı marşrut avtobusı tuqtalışı da ğibädät binası qarşına küçerelä. Şulay itep möselmannar avtobustan teşü belän, mäçet işek aldına kerä.

Eş köne buluına qaramastan, ğäyet namazına kilüçelär ike qatlı mäçet eçenä sıyıp ta betmäde, işek aldına tözelde. Bıyılğı ramazan ayınıñ üzençäleklärenä tuqtalıp, comğa imam xatıybı Faiz xäzrät Möxämätşin bolay dide:

Audio

Tağın ber üzençälek, mäçet ähelläre İjawdağı zindanda islam dine nigezläre däresläre alıp baralar. Totqınnar arasında da uraza totuçılar bar ikän, alarnıñ da küñelen kürep, Fäiz xäzrät bolay dip östäp quydı.

Audio

İnde mäçettä uzğan ğäyet namazınnan soñ, xatın-qızlar yağında berniçä keşe belän tanışıp, sorawlar da birdem. Alar barısı da mäçet qarşında oyıştırılğan mädräsädä belem alıp, qaysıberäwläre inde üzläre şäkertlär uqıta. Şul yäş qızlarnı tıñlıyq äle.

Audio

Şulay itep, yıl sayın din yulına basıp, şäriğät qanunnarı buyınça yäşäwçelär sanı arta bara, ul ğına da tügel, bu yäşlärneñ kiläçäktä din belgeçlege buyınça yuğarı belemgä iä bulırğa da teläkläre bar. Ğäyet wäğäzendä yañğırağan — şäriğät qanunnarın ütäw, ä alarnı öyränü öçen älegä barlıq mömkinleklär buluın bilgeläp ütte, ölkännärgä, biğräk tä ata-analarğa yärdäm itep, kübräk izgelek qılıp yäşärgä öndäde.

Xämidä Ğayfullina, Udmurtiä.

XS
SM
MD
LG