Accessibility links

чәршәмбе, 7 декабрь 2016, Казан вакыты 00:57

Gruziädä prezident saylawları köne bilgelände


Tbilisi. Yaña prezident saylawları Gruziädä ğinwarnıñ 4-endä ütäçäk, bu xaqta bügen ilneñ parlamentı qarar itte. Bertawıştan qabul itelgän şuşı qararğa qädär Gruziäneñ Yuğarı mäxkämäse 2-nçe noyäbrdä uzğan parlament saylawları näticälären ğämäldän çığardı. Näq menä şular tiräsendä elekke prezident Eduard Şevardnadze belän oppozitsiä arasında nizaq çığıp, kiñküläm qarşılıq näticäsendä Şevardnadze urınınnan kitärgä mäcbür buldı. Bügen şulay uq Gruziä xökümätendäge ikençe ber ministr, däwlät eşläre öçen cawaplı Avtandil Djorberadze da eşennän kitüwen belderde. Kiçä monı elekke prezidentqa yaqın torğan eçke eşlär ministrı Koba Narçemaşvili eşlägän ide. Gruziäneñ waqıtlı däwlät başlığı Nino Burcanadze, ilneñ awır iqtisadi xäle öçen näq menä Djorberadze cawaplı dip belderde. "Büdjet bötenläy buş. Däwlät büdjetında berni yuq, bez pensiälärne, eş xaqların, ğäskärgä, politsiägä berni dä tüli almıybız" di Gruziäneñ waqıtlı prezidentı Nino Burcanadze.

XS
SM
MD
LG