Accessibility links

шимбә, 10 декабрь 2016, Казан вакыты 04:09

Rusiä prezidentı Moldova säfären kiçekterergä buldı


Kişinau. Bügen Moldovağa kitärgä cıyınğan prezident Vladimir Putin älegä şuşı säfärennän waz kiçte. Ul anda Moldovanıñ Dnestr buyı töbäge belän araların caylağan häm Rusiä yardämendä ireşelgän maxsus kileşüne imzalaw tantanasında qatnaşırğa tieş ide. Moldova prezidentı Vladimir Voronin, älege kileşüne Yevropada İminlek wä Xezmättäşlek oyışması xuplamıy torıp anı imzalaw urınsız dip belderde. Şul oyışma kiçä monı xuplawdan baş tartqan ide. Rusiä täqdim itkän planda Moldovanı qoralsızlandırılğan federal' däwlät itü, Dnestr buyı töbägenä kiñ moxtariat birü häm räsmi tellär itep urıs häm moldovan telen iğlan itü qaralğan. Ul arada Moldova başqalasında ütkän uram cıyınında, anda qatnaşuçılar Mäskäwdän Moldovada urnaşqan 2 meñläp urıs ğäskärien çığarunı taläp itte. Yevropa Berlege, NATO häm Romaniä bayraqları astında uzğan şul cıyında Rusiä äläme häm Putin süräte yandırıldı.

XS
SM
MD
LG