Accessibility links

пәнҗешәмбе, 8 декабрь 2016, Казан вакыты 15:08

Germaniä häm Fransiä Yevropanıñ büdjet säyäsätennän taypılu mömkinlege xaqında kileşte


Brüssel. Germaniä häm Fransiä bügen yevronı qabul itkän başqa illär belän, urtaq büdjet qağidälärennän taypılularnı röxsät itkän kileşügä ireşte. Äyläneştä yevro yörgän 12 ilneñ finans ministrları şuşı mäs'äläne bügen qaradı, İspaniä, Hollanda, Finländiä häm Avstriä wäkilläre, Paris häm Berlingä büdjet defitsitın elek kileşengännän arttırunı röxsät itügä qarşı çıqtı. Yevropa komissiäseneñ büdjet eşläre öçen cawaplı wäkile Pedro Solbes şuşı qarar Yevropa Berlegeneñ büdjet qağidälärenä häm ğomumän ruxına qarşı kilä dip belderde häm moña qarşı mäxkämä çaraları kürü belän kisätte. Fransiä häm Germaniä 2004-nçe yılda inde öçençe yıl rättän yevro illäre öçen qabul itelgän defitsit çigen uzıp kitär dip kötelä. Monıñ öçen ğädättä tärtipne bozğan ilgä aqçalata cäza salu qaralğan, läkin Yevropa Berlegeneñ finans ministrları Germaniä häm Fransiä mäs'äläsendä monı waqıtlıça kiçekterep toru turında da maxsus qarar qabul itte.

XS
SM
MD
LG