Accessibility links

пәнҗешәмбе, 8 декабрь 2016, Казан вакыты 23:04

Gruziä vaqiğäläreneñ kürşe Azerbaycan belän Ärmänstanğa täsire bulırmı?


Gruziäneñ kürşeläre Ärmänstan belän Azerbaycan da , andağı vaqiğälärne diqqät belän küzätep baralar. Küpkenä azerbaycannarnı Görcstanda yäşävçe yartı milionğa yaqın millättäşeneñ xäle borçıy. Qayber törkemnär isä Gruziädge xalıq ciñüe üzlärendäge demokratiäne nığıtuğa da ürnäk bula ala digän fikerdälär.

Görcestandağı vaqiğälärneñ kürşedäge Ärmänstan belän Azerbaycanğa da nindider täsire bulmıy qalmas. Şuşı ike ildä dä saylaular bulıp uzdı häm anda da xärämläşülär buldı. Ber ay elek Azerbaycanda prezident saylauları buldı. Xaydar Alievneñ ulı İlham 77 protsent belän prezident itep saylandı. Läkin, tauışlarnıñ 14 protsentın alğan oppozitsiädäge Musavat Partiäsenneñ citäkçese İsa Qambar, saylaularda xarämläşülär buldı häm anıñ näticälären yuqqa çığaru öçen konstitusiä tanığan barlıq mömkinleklärdän faydalanaçağın belderde. Militsiäneñ söböpsezgö saylau tönendä Musavat Partiäseneñ baş kvartirına höcüme häm saylaularnıñ näticäse belän qänäğätsezlek näticäsendä, Qambar taraftarları Baquda militsiä belän bärleşte häm iñ kimendä ber demonstrant hälak buldı. Läkin, İlham Aliev Şevardnadzedän ayırmalı bularaq protestlarnı köç belän bastırdı häm yözärlägän keşe qulğa alındı. Xökümät informatsiä organnarın kontrol itä häm qanunnar vatandaşlanıñ demonstratsiä xoquqın çikliy. Londondağı Suğış häm Tınıçlıq İnstitutınıñ Kafkaz mäsäläläre buyınça moxärrirı Tom De Waalnıñ fikerençä, Gruziä üzeneñ köçle demokratik traditsiäse belän ayırılıp tora.

Audio

"Qayberävlär Gruziä demokratik tügel, ä butalçıq il dip äyterlär . Läkin, anda partiälär, citäkçelär, regional citäkçelär arasında fiker törlelege bar."

Zaman da möhim rol uynıy. Ägär dä Ärmänistan belän Azerbaycanda saylarlar ütmägän , ä kiläçäktä bulsa ide Gruziä vaqiğäläre oppozitsiäseneñ pozitsiäsen nığıtır ide. Azerbaycannıñ oppozitsiädäge Xalıq Frontı Partiäse väkile Ali Karimovnıñ süzlärençä, Görcstanda demokratiäneñ nığıuı Azerbaycan öçen dä ümet tudıra.

Audio

"Azerbaycanıñ kürşedäge strategik berektäşendä demokratiä prinsipta ciñde. Gruzidä demokratiäneñ ciñüe Azerbaycanda da demokratik täräqqiätne canlandıraçaq."

Oppozitsiä tarafınnan saylaularda xarämläşülär buldı digän ğäyepläv yañğırağan Ärmänstanda, prezident Robert Kocaryan , Gruziädä totrıqlıqnıñ buluın xuplıym, çönki Ärämänstanğa transport yulı annan ütä dip belderde. Ä inde oppozitsiä väkile Stepan Demirçian Gruziädäge üzgäreşlärne xalıqnıñ ciñüe dip bäyäläde häm Ärmän xalqı da soñğı çiktä ciñep çığaçaq dip belderde. De Waalnıñ fikerençä, Gruziä vaqiğäläre säbäple Kafkazda politik üzgärşelärneñ buluı mömkin, läkin, üzgäreşlärneñ yaqın kiläçäktä buluı şart tügel.

Färit İdelle, Praga .
XS
SM
MD
LG