Accessibility links

якшәмбе, 4 декабрь 2016, Казан вакыты 05:01

Görcilär göl çäçäkläre ä Üzäk Aziä citäkçeläre çäneçkelär genä kürä


Gruziä prezidentı E.Şewernadzeneñ çitlätelüe, qansız , köç qullanılmağan, xalıq kütäreleşenä ürnäk dip xuplana.Läkin bu qaraşnı Üzäk Aziä xökümätläre urtaqlaşmıy torğandır.Üzäk Aziäneñ 5 respublikasında da parlament saylawları kiläse 15 ay eçendä ütergä tieş. Tiblisi waqıyğäläre bälkim dä basım astındağı opozitsiä törkemnären ruxlandırır

Gruziä opozitsiäse yäkşämbedä E.Şewernadzeneñ çigenüenä kitergän tınıç xalıq kütäreleşen ''göllär revolutsiäse'' dip atadı. Kaspi dingezeneñ ikençe yağında Üzäk Aziäneñ 5 respublika citäkçese göl tügel ä anıñ çäneçke, enäläre turında uylıy torğandır.Gruziädä dramatik waqıyğälärgä rişwätçelek-korrupsiä, bäxäsläşelgän saylaw näticäläre, politik protsessqa qatnaşu mömkinlegeneñ çiklänüe, kiñ taralğan xäyerçelek säbäp buldı. Ni qızğanç ki Üzäk Aziädä dä näk şuluq xällär. Ämma Urta Aziädäge opozitsion törkemnär öçen Gruziä waqıyğäläre , qänäğätsezlekneñ artuı ( ber dä kitmäs kebek kürengän ) ber xökümätne bärep töşerügä kiterä alaçağın kürsätte.QAzaxstanda opozitsiädäge Demokratik saylaw xäräkäteneñ citäkçese Tolen Toktasinov küp kenä üzäk aziälelärneñ uylağanın çağıldırıp bolay dip äyttte (audio) Mİn gruziädä genä tügel ä başqa illärdä dä saylawlar ğädelleräk bulır dip uylıym Qazaxstanda xakimiätgelär moñı küzdä totırğa tieş, xalıqnı ozaq waqıt aldap bulmıy. Tadcikstanda opozitsiädäge islamçı yañarış partiäsennän Hikmätulla Sayfulozoda süzlärençä(audio) Tadcikstanda älege waqıtta tormış bik qıyın.Bigräk tä sonğı yılda xakimiätneñ ber qulda tuplanuı arttı, xalıq üzgäreşlär teli—barlıq bu faktorlar Tadcikstanda kiläse saylawlarda konfrontatsiägä yul aça ala. Qırgızsatanda Kommunistlar partiäse citäkçse Absamat Masaliev Gruziädäge xällärgä qarata , saylawlar demokratik reweştä oyıştırılırğa tieş. Qırgızıstanda qanun bozğan saylawlar ütkärelä.Bezneñ citäkçelek Gruziädäge xällärne iqtibarğa almıy,Bez Gruziädän sabaq almasaq , Qırgızıstanda da andıy xällär bula ala dip söyli. Üzäk Aziä illäre citäkçeläreneñ hämmäse Sovetlar Berlege waqıtında xakimiäkä kilgän . Töbäktä Üzbäkstan belän Törkmänstan bigräk tä repressiv, alar in az qurqa torğandır. Törkmänstanda terkälgän ber genä partiä bar ,ul da prezident Saparmurat Niyazov citäklägän partiä. Barlıq opozitsiä citäkçeläre yä ildän qaçıp kitkän, yä dä törmädä utıra. Törkmänstan mätbuğatı Gruziä turında söylämi. . Üzbäkstanda räsmi räweştä terkälgän 4 säyäsi partiä bar. barısınıñ da tamırları Üzbäkstan kommunistlar partiäsend yata. Ämma anda hiç bulmağanda aktiv opozitsiä partiäläre bar. alar üzlären terkärgä 2004nçe yılnıñ dikäberendä bulaçaq saylawlarğa qatnaşırğa omtıla. Üzbäkstan prezidentı Karimov Kiçä Şevernadze Gruziä häm täbäktä totrıqlılıqnı saqlap qalu öçen çigende dip äytte. Üzbäkstan kiñ küläm mätbuğat çaraları şimbädä Gruziä parlamentına qara köçlär basıp kerde digän qısqa komentar birde. Üzbäkstan häm Törkmenstanda protestlar siräk bula, bula qalsa, xakimiätlär anı bik qısqa waqıtta bastıra.Ämma Qazaxstan, Qırgızıstan häm Tadcikstanda Gruziä waqıyğäläre borçıluğa säbäp bula ala. Qazaxstan Gruziä turında bik saqlıqlı reaksiä kürsätte. Prezident Nazarbayev ofisınıñ belderüendä kisken ekonomik xällär häm eçke politik şartlar Gruziädä xakimiät üzgäreşenä kiterde dip äytelgän..İqtisad Qazaxstanda yaxşıraq dip prezident azsızıqlıy , bu däres ämma korrupsie turında läm mim süz yuq, çönki Nazarbayev çit il neft şirkätläre qatnaşqan skandaldan üzen çitläşterergä tırışa.Qırgızıstanda iqtisadi xällär Gruziädän dä yamanraq dip äytep bula.Tışqı eşlär ministırı kiçä Gruziädä säyäsi köçlär wazğiätne totrıqsızlandırğan adımnar atlamas digän ömed belderde. Tadcikstanda Gruziägä qarata räsmi reaksiä yuq. Ämma mätbuğat xabär itte. 92nçe yılda Tadcikstanda Tbilisidägenä oşaş xällär buldı , demonstratsiälärdä xökümät citäkçelären almaştıru taläp itelde häm bu cıyınnar 5yılğa suzılğan watandaşlar suğışınıñ başlanğıçı buldı. Qazaxstanda opozitsiädäge Aq-Zhol partiäsennän Burxan Nurmuxammedov Gruziä waqıyğäläre sovet däwre säyäsätçeläreneñ çigenergä häm urınnarın yäş buınğa tapşırırğa tieşlegen kürsätep tora dip äytte. Bez Tatarstanda Gruziädägänä oşaş waqıyğälär bula alamı digän soraw belän Tatarstan Yäşläre gazetasnııñ säyäsi bülegendä eşläwçe Minnazım Säfärgä möräcäğät ittek(audio)

färidä xämit,praga
XS
SM
MD
LG