Accessibility links

җомга, 9 декабрь 2016, Казан вакыты 16:37

Tatarstanda yaña mäktäplär açıla


Tatarstanda möselmannar Uraza betüe, Ramazan ayınıñ tämamlanuın bäyräm itälär. Ä menä respublika citäkçelärenä bäyräm itep utırırğa waqıt yuq. Tatarstanlılarnı Uraza bäyräme belän qotlap sişämbe könne Mintimer Şäymiev Sarman rayonına çığıp kitte. Monda ul çirattağı yaña tözeleşlärne açu tantanalarında qatnaştı. Sarman rayonınıñ Cälil bistäsendä 25nçe noyäber könne däwaxanä häm mäktäp binaları açıldı. Sarmanlılarnı qotlarğa Şäymiev belän bergä Cälilgä respublikanıñ sälämätlek saqlaw, mäğärif ministrları, şulay uq tözeleşne alıp barırğa yärdäm kürsätkän Tatneft’ şirkäte citäkçege dä kilgän ide. Qunaqlar buş qul belän kilmägän inde älbättä. Mäsälän, Mäğärif ministrı Faris Xarisov mäktäpkä yaña kompyuter klassı büläk itte. Şul uq könneñ ikençe yartısında Mintimer Şäymiev, Yedinaya Rossiä firqäse Yuğarı Şurasınıñ räistäşe bularaq, Cälil bistäseneñ saylawçıları belän oçraştı. Oçraşuda şulay uq Älmät saylaw okrugınnan Rusiä Däwlät Dumasına nämzät bulıp terkälgän Marat Mähdiev tä qatnaştı. Şul uq sişämbe könne Tatarstannıñ premyer-ministrı Röstäm Miñnexanov ta Qazanda tügel, ä Älki rayonında ide. Ul älege rayonınıñ Xlebodarovka awılındağı urta mäktäpneñ yaña binasın açuda qatnaştı. 108 uquçını sıydırırlıq bu mäktäp tä Röstäm Miñnexanov qulınnan ike kompyuter häm kseroks aldı. 26nçı noyäber könne Mintimer Şäymiev respublikanıñ Zäy rayonında buldı. Monda da ul törle yaña binalar açılışlarında qatnaştı, xalıq belän oçraştı.

Çärşämbe könne isä säfärgä çığıp kitärgä respublika Däwlät Şurası räise Färit Möxämmätşinnıñ çiratı citte. 26nçı noyäber könne spiker citäkçelegendäge respublika parlamentı delegatsiäse Ufağa kitte. Alar anda Tatarstan häm Başqortstan parlamentları arasında xezmättäşlek turında söyläşte. Şul uq könne Tatarstan qunaqları Ufada uzğan Nur tatar teatrınıñ zur zalın açu tantanasında qatnaştı. Şulay uq älege çarada başqa Qazan qunaqları - Tatar ictimaği üzäge häm Bötendönya tatar kongressı wäkilläre bar ide. Ufadağı kollegaların qotlarğa Şamil Zakirov citäkçelegendä Ğäliäskär Kamal isemendäge tatar akademiä teatrı artistları da bardı. İntertat internet säxifäse mäğlümatlarına qarağanda, tantana bik qupşı häm matur ütkän. Läkin qunaqlar taralışqaç, zur zalnıñ işeklären kire yabıp ta quyğannar. Tatar teatrın söyüçelär andağı tamaşalarnı äle Yaña yıldan soñ ğına qarıy alaçaq ikän.

XS
SM
MD
LG