Bötendönya tatar kongressı binasında çärşämbe könne ber qızıqlı çara uzdı. Anı Aq qalfaq tatar xatın-qızlar oyışması oyıştırdı. Xäzer älege kiçä häm anda çaqırılğan qunaqlar turında Aq Qalfaqnıñ citäkçese Kämäriä xanım Xämidullina söyli.
Bezneñ cıyıluıbıznıñ töp säbäbe – Uraza ğäyete uñayınnan Aq qalfaq oyışmasınıñ aktiv äğzäläre belän bergä çäy östäle artında cıyılışıp, utırıp söyläşep, eşlängän eşlärne barlaw, kiläçäkkä plannar qoru. Ä cıyılışunıñ ikençe ber säbäbe – Räsäy külämendä ütkärelä torğan Änilär köne uñayınnan oçraşıp, tatarlarnıñ ğailälärendä milli tärbiä birü, balalarnı milli üzañnı, milli ruxlı itep üsterü turında söyläşü. Oçraşuğa bik qızıqlı şäxeslär, tanılğan xatın-qızlar - din ähelläre, jurnalistlar, uqıtuçılar çaqırıldı. Alar arasında – Räşidä abıstay İsxaqi, Älmirä İdiätullina, Zäkiä Däwlievna, Filisä Xäkimova häm başqalar
Gölnaz İlgizär
