Accessibility links

шимбә, 10 декабрь 2016, Казан вакыты 10:04

Räsmi mäğlümat çaraları da yañaça yäşärgä tieş


Sişämbe könne Tubän Kama şähärendä «Tatmedia» agentlığı mäğlümat çaralarınıñ cıyılışın uzdırdı. Anda ütkän 9 ayğa näticälär yasaldı, häm aldağı yılda finanslaw tärtibe turında süz bardı, dip xäbär itelä.

Bu yılda şähär, rayon xakimiätlärenä buysına torğan mäglümat çaralarınıñ byudjetları kiselde. Qayseber redaksiälär yartı million sumğa qädär kimräk dotasiä aldı. Bu xaqta cielışta «Tatmedia» agentlığınıñ citäkçese Marat Moratov söyläde. Yaña tözelgän bu oyışma mäglümat çaralarına dotasiä birüne yañaça oyıştırığa teli. Monda räsmi mäglümat çaraları däwlättän zakaz alıp, anıñ ütäw öçen üzara yarışırğa tieş bula. Matbuğat häm däwlättän aqça alıp torğan başqa tör mäglümat çaraları üzläre açqa eşlärgä äyränergä tieş, digän qaraşta tora «Tatmedia» ağentlığı.

Gäzit, jurnal redaksiäläre, bigräk tä tatar matbuğatı taratu, bastıru problemaları, yazılu kampaniäse qıyınlıqları belän köräşergä mäcbür. Elekke mäğlümat çaraları ministrlığı urınında oyıştırılğan şuşı «Tatmedia» agentlığı – däwlät mäğlümat çaralarına şuşı mäsällärne xäl itärgä yärdäm itärgä tieş. Älegä näticälär bik kürenmi.

Bikä Timerova.

XS
SM
MD
LG