Dönya Basmaları Berläşmäse bıyılğı Altın qäläm bülägen törmädä utıruçı üzbäk jurnalistı Ruslan Şäripovqa birü turında qarar çığardı. Bu büläk kiläse yılnıñ may ayında tapşırılaçaq.
Oyışm belderüendä Şäripovnıñ törmä häm azaplawlar belän qurqıtuğa qaramastan senzurağa bireşmäwe qıyu adım dip bäyälänä.
Berläşmä Şäripovnı häraqayda jurnalistlarnı häm keşe xoquqları aktivistların ruxlandıruçı dip atadı.
Üzbäkstan Bäysez Jurnalistlar Berlegen oyıştırğan Şäripov homoseksual mönäsäbätlärgä häm baliğ bulmağannar belän censi mönäsäbätlärgä kerüdä ğäyeplänep 2003-nçe yılnıñ avgustında 5 yılğa törmägä yabıldı.
Dönya Basmaları Berläşmäse Üzbäkstan prezidentı İslam Kärimovqa möräcäğät itep Şäripovnı häm törmädäge başqa jurnalistlarnı irekkä çığarırğı, irekle jurnalistikağa qarşı repressiälärne beterergä çaqırdı.
