Accessibility links

җомга, 9 декабрь 2016, Казан вакыты 03:02

Törkiä xalıqara terrorçılıq turında küzläw mäğlümätlären urtaqlaşırğa çaqırdı


Törkiä premyer ministrı Recep Tayyip Erdogan Britaniäne terrorçılarnıñ Törkiädä yaña terror höcümnäre oyıştıru mömkinlege turında küzläw mäğlümätlären Törkiä belän urtaqlaşmawda ğäyepläde. Kiçä Britaniä tışqı eşlär idaräse İstanbulda häm Ankarada yaña terror höcümnäre bulu mömkinlege turında mäğlümätlär bar dip beldergän ide. Uzğan atnada İstabuldağı Britaniä konsullığı yanında häm Törkiädäge Britan bankı bülekçäse yanında bombalar şartlatılu näticäsendä distälärçä keşe hälak buldı, yözlärçä keşe yaralandı. Bügen Erdogan ägär dä törle illär xalıqara terrorçılıqqa qarşı köräştä berläşergä teli ikän alar mondıy mäğlümätlärne matbuğatqa tügel bu eşkä qatnaşı bulğan däwlätkä birergä tieş dide. Bügen Erdogan şulay uq, Britaniä belän İtaliägä möräcäğät itep Yewropanıñ 3 futbol matçın Törkiädä ütkärü niätennän iminlekkä ışanıç bulmaw säbäple baş tartunı sorarğa cıyınuı turında belderde.

XS
SM
MD
LG