Accessibility links

сишәмбе, 6 декабрь 2016, Казан вакыты 13:19

BMOnıñ Xalıqara Atom Energiäse İdaräse Şurası İrannı 18 yıl buyı yäşeren atom-töş eşçänlege belän şöğellänüdä ğäyeplägän rezolütsiä qabul itte


İdarä başlığı Möxämmät äl-Baraday Vienada çığış yasap bu rezolütsiä İran atom eşçänlegeneñ barı tik tınıç maqsatlarda ğına buluın tä'min itü mömkinlegen artıra dide:

AUDİO: Min bügenge rezolütsiägä bik qänäğät. Ul hiçşiksez İran atom programmasınıñ barı tik tınıç maqsatlarğa xezmät itüenä ireşü burıçıbıznı ütäwdä minem mömkinlekläremne arttıraçaq. Häm tağın, äytkänemçä, kiläçäktä närsä eşläw kiräklegen bilgeläw belän atom qoralların taratmaw mäs'äläse dä köçäyä.

35 äğza ildän torğan İdarä Şurası qabul itkän rezolütsiädä İrannıñ xalıqara atom tikşerüçeläre belän xezmättäşlek itü täqdime xuplana. Anda şulay uq ägär dä kiläçäktä İran xezmättäşlek itmägän, yäki atom qoralı yasaw omtılışın raslawçı yaña dälillär tabılğan oçraqta İranğa qarata nindi çaralar kürelü mömkinlege turında da kisätä. İran tışqı eşlär ministrlığı bu rezolütsiä İrandağı tınıç atom eşçänlegeneñ namuslı häm açıq räweştä alıp barılğanlığı raslıy dide.

XS
SM
MD
LG