Accessibility links

пәнҗешәмбе, 8 декабрь 2016, Казан вакыты 01:18

Taşkent şartlawları xökemendäge töp şahit elek äytkännärennän baş tarttı


1999 yılnıñ fevralendä Taşkentta bulğan şartlawlar öçen cawaplı dip şiklänelgännärne xökem itü eşendäge töp şahit Zaynetdin Askarov elek äytkännärennän baş tarttı. Üzbäkstan İslam Xäräkäte citäkçeläreneñ berse Asqarov xökem eşlärendä şähadätlek qıldı häm 16 keşene ütergän şartlatularğa bäyle buluda ğäyeplänep 10 yılğa törmägä yabıldı. Üzbäkstan xakimiätläre bu şartlawlar öçen Üzbäkstan İslam Xäräkäte suğışçıların häm oppozitsion İrek Demokratik Partiäse başlığı Möxämmät Salixnı ğäyepläde. 1999 yılda mäxakmädä şähadätlek qılğanda Salixnı bu eşkä Asqarov qatnaştırdı. Ämma kiçä törmädä Üzbäk Däwlät İminlek Xezmäte oyıştırğan interview waqıtında jurnalistlar aldında berniçä minutqa üze genä qalğaç Asqarov elek äytkännärennän baş tarttı häm Salix ğäyepsez dide. Asqarov Azatlıq radiosınıñ üzbäk redaksiäsenä bolay dide:

AUDİO: Wallahi, Möxämmät Salixnıñ terrorçılıqqa ber qatnaşı da yuq. Min böten dönyanıñ şuşı döreslekne belüen telim.

Asqarov Üzbäkstan eçke eşlär ministrı Zokir Almatov basımı astında mäxkamädä başqaça çığış yasağanlığın äytte. Ministr aña Üzbäkstan İslam Xäräkäte äğzaların ütermäskä wäğdä birgän. Xäzerge waqıtta Yewropada yäşäwçe Solixnı Üzbäkstanda 17 yarım yıl törmä cäzasına xökem ittelär.

XS
SM
MD
LG