Accessibility links

шимбә, 10 декабрь 2016, Казан вакыты 02:20

Prezident Buş Bagdatqa kötelmägändä säfär yasadi. Ni öçen


AQŞ prezidentı Buş Thanksgiving, Kürkä bäyrämendä jäşeren vizit belän Bagdatta bulıp kitte. Terror qurqınıçı säbäple bu xaqta aldan bik az keşe genä belde. Ul anda oçqıç maydanında amerikan xärbiläre belän oçraştı, alarnıñ ruxın kütärergä tırıştı. Ni öçen Buş anda vizit yasaunı kiräk taptı?

Bagdat Hava Maydanındağı çatırda Kürkä bäyrämenä ciılğan xärbilär prezident anda kiler dip bötenläy kötmägän idelär. Bu säfär bik yäşeren äzerlände häm bu xaqta anıñ yaqın kiñäşçeläre genä belde. Saylap alınğan az sandağı jurnalistqa soñğı minutta ğına prezident belän bergä Bagdatqa oçaçaqları belderelde. Alarğa bu xaqta eş birüçelärenä dä kolegalarına da, ğailä ağzalarına haber birü tıyıldı. Bagdat Hava maydanına kilik administrator Paul Bremer prezidentıñ Thanksgiving yäğni Kürkä bäyräme uñayınnan belderüen uqırğa tieş buluın, läkin, bu eşne iñ yuğar däräcädäge şäxeskä birergä qarar itkänen äytte.

Audio

"Min prezidentnıñ Thanksgiving prokalamatsiäsen uırğa tieş idem. Läkin, moñı iñ yuğarı därcädäge şäxes uqırğa tieş dip uyladım."

Ul Ğıraqtağı koalitsiä köçläre komandirı general Ricard Sançesqa töbäp

"Bu Sinme?"

Sances

"Belmim. Belkim minem artımda beräv bardir."

Bremer

"Äydägez qarıyıq. Bälkim prezidentnıñ Thanksgiving telmären uqırlıq ölkäneräk şäxes bardir. Minnän ölkäneräk beräv barmi?"

Buş saxnädä kürenä.

Audio

"Min ber cirdä cılı aş qina ezli idem Raxmt dağvätegezä."

Şunnan soñ Buş xärbilär aldında çığış yasadı , Xärbilärne maqtadı, alarnıñ ruxın kütärergä tırıştı. Ber ük vaqıtta soñğı vaqıtlardağı terror aktlarına qaamastan, AQŞnıñ Şıraqtan çigenmiäçägen dä işarä itte.

Audio

"Bez keşe üterüçelär häm terrorist bandası aldında cigener öçen , yözärlägän çaqırım Ğıraqqa kermädek, yuğaltularğa duçar bulmadıq, diktatornı ciñmädek häm 25 milion keşene azat itmädek. "

Şunnan soñ Buş xärbilär kürkä aşın taratıp birde häm yaqınça ike säğättän soñ AQŞqa qaytıp ta kitte. Buş menä xäzer qurqınıçlı bulsa da Bagdatqa vizit yasaunı ni öçen kiräk taptı soñ? Ğıraqta suğış bette digän belderüdän soñ yasalğan höcümnär näticäsendä 180nän artıq amerikan xärbise hälak buldı. Buş alarğa bigeräk tä Kürkä Bäyräme vaqıtında vizit yasauı belän ruxi ktärenkelek birergä teläde. Läkin, başqa säbäplär dä bar. Soñğı vaqıtlarda prezident Buşnı Ğıraq suğışı säbäple AQŞta tänqitläv köçäyä töşte. Şulay uq anıñ älegäçä Ğıraqta hälak bulğan amerikan xärbilären kümü yolasında qatnaşmauı, ğailä ağzaları belän oçraşmauı da tänqitlände. Prezident saylauları ber yıldan soñ bulsa da, saylaualdı kampaniäse başlandı dip äytergä bula.

Färit İdelle, Praga.
XS
SM
MD
LG