Bagdad. Ğiraqnıñ tönyağında bügen yänä ber amerikan ğäskärie hälak buldı. Ul Mosul şähärendä elekke prezident Saddamnıñ Quşma Ştatlar xärbiläre urnaşqan ber sarayına tup elägü näticäsendä ülgän. Kiçä berniçä säğätkä Bagdadqa kötelmägän säfär belän kilep kitkän prezident Bush, amerikan xärbilärenä yasalğan höcümnär Quşma Ştatlarnı çigendermäyäçäk dip beldergän ide. Bügen Ğiraq başqalasına ber köngä Amerikanıñ elekke "berençe xanım"ı, xäzer senat äğzası bulğan Hillary Clinton da kilde.
