Accessibility links

якшәмбе, 4 декабрь 2016, Казан вакыты 21:40

German politsiäse "äl-Qaidä" äğzası buluda şiklänelgän keşene qulğa alğan


Hamburg. Biredä dä bügen german politsiäse ber aljir keşesen qulğa alğan, ul mäğlüm "äl-Qaidä" terror çeltäreneñ şaqtıy kürenekle äğzası bula ala digän farazlar äytelä. Hamburgtağı prokuror Marion Zippel süzlärenä qarağanda, Mähcüb Ğäbderazzaq isemle şuşı keşe İtaliägä tapşırılır tösle, çönki anı qulğa alu üteneçe näq menä şul ildän kilgän. Milan prokuraturası Ğäbderazzaqtan tış "äl-Qaidä"gä bäyle tağın 4 terrorçını ezläwen belderde, alar barısı da Ğiraqta intihar höcümnäre oyıştıru öçen keşelär äzerläwdä şiklänelä. Ğäbderazzaq german politsiäse tarafınnan yül ayında inde ber qulğa alınğan ide, ul çaqta anı İspaniädä bomba şartlatuda ğäyeplärgä telädelär, läkin soñraq ul dälillär citmäw säbäple irekkä çığarıldı.

XS
SM
MD
LG